“Yanvarın 27-də toplaşmışıq. Toplanış yüksək səviyyədə gedir. Həftənin 5 günü məşq edirik. 1-ci liqada yarışlar başladığından yoxlama oyunu keçirmək üçün komanda tapmaq çətindi. Bazar günü”Dinamo” ilə yoldaşlıq görüşü keçirəcəyik. Yeni gələn oyunçuları da yoxlamaq istəyirəm. Elşən Veysov “Hypers Quba”dan, Samir Qurbanov “Qaradağ Lökbatan”dan, Xəqani Sadıqov isə MOİK-dən gəlib. Hər biri yaxşı futbolçudu. Komandaya xeyirlərinin dəyəcəyinə ümid edirəm. 2-ci dövrə bizim üçün daha çətin olacaq. Futbolçularıma daha ciddi və məsuliyyətli oyunlara hazırlaşmağı tapşırmışam. Hədəfimiz çempion olmaqdı. Sonda sevinən tərəf “Şahdağ Qusar” olacaq”.

“Yanvarın 12-də məşqlərə start vermişik. İki yoxlama oyunu keçirmişik. MOİK-ə 1:2 hesabı ilə məğlub olduq. “Hypers Quba”nı 2:0 hesabıyla məğlub etmişik. Fevralın 6-da “Xankəndi” ilə yoxlama oyunu keçirəcəyik. Ayın 11-i və 17-si də yoldaşlıq görüşü keçirməyi planlaşdırırıq. Hələlik rəqib tapa bilməmişik. Komandaya qoşulan olacaq. Son bir transferimiz var. Hələ ki danışıqlar aparırıq. Onun keçidi ilə bağlı çətinlik çəkirik. Oyunçunun klubu ilə müqaviləsi var. Komandaya yeni qoşulanlar təcrübəli futbolçulardı, gücümüzə güc qatıblar”.