Kəpəz (Gəncə) - Sabah (Bakı) 3:2 (1:2)
1. Rojerio Santos - 6,0 
7. Ehtiram Şahverdiyev - 5,5
(99. Əli Səmədov, 46) - 6,0 
12. Turan Manafov - 6,0 
5. Rauf Hüseynli - 6,0 
21. Camal Cəfərov - 5,5
(70. Nicat Süleymanov, 90) - qiymətsiz
26. Valdemar Almeyda - 5,5
(2. İlkin Qırtımov, 90+5) - qiymətsiz
9. Luis Paçu - 5,5
29. Dioqo Verdaska - 5,0 
78. Yeqor Xvalko (k) - 5,5
28. Rati Ardazişvili - 6,0 
(10. Karim Lkoça, 86) - qiymətsiz
3. Mahamadu Ba - 6,5 
Ehtiyat oyunçular 
22. Məmməd Hüseynov 
18. Elgün Bayramov 
8. Elmir Tağıyev 
6. Nemət Musayev 
17. Ümid Səmədov 
15. Cavad Kərimov 
88. Şevroni Mabatşoyev 
Baş məşqçi: Araz Bağırov 
Komandanın ən yaxşısı: Mahamadu Ba

1. Yusif İmanov - 4,5 
17. Tellur Mütəllimov - 5,5 
(7. Boyan Letiç, 79) - qiymətsiz 
2. Amin Seydiyev (k) - 5,5 
5. Rəhman Daşdəmirov - 5,0 
88. Xəyal Əliyev - 5,5 
(12. Vinsent Till, 64) - 4,5 
20. Coy-Lens Mikels - 5,5 
44. Sofian Çakla - 5,0 
18. Pavol Şafranko - 5,5 
(99. Neqoş Kupusoviç, 64) - 5,0 
40. İqor Noqeyra - 4,5
70. Cesse Sekidika - 6,0 
(11. Kahim Parris, 79) - qiymətsiz                       
33. Umarəli Raxmonəliyev - 5,5 
 (77. Şakir Seyidov, 55) - 5,0 
Ehtiyat oyunçular 
92. Stas Pokatilov 
55. Nicat Mehbalıyev 
9. Anatoli Nuriyev 
22. Abdulla Rzayev 
32. Elgün Dünyamalıyev 
13. İvan Lepinitsa 
Baş məşqçi: Vasili Berezutski 
 Komandanın ən yaxşısı: Cesse Sekidika 

Qollar: P.Şafranko, 6-p. (0:1). M.Ba, 11 (1:1). C.Sekidika, 45+4 (1:2, T.Mütəllimov). Ə.Səmədov, 54 (2:2). R.Hüseynli, 64-p. (3:2). 
Vərəqələr: R.Hüseynli, 74 (hakimin qərarına etiraz). İ.Noqeyra, 14 (qeyri-idman hərəkəti). R.Daşdəmirov, 66 (qeyri-idman hərəkəti) - sarı. İ.Noqeyra, 63 (qeyri-idman hərəkəti) - qırmızı (ikinci sarı). 
Hakimlər: FƏRİD HACIYEV, Zöhrab Abbasov, Asiman Əzizli, Əli Əliyev  (hamısı Bakı).
VAR hakimi: Nicat İsmayıllı (Bakı).
VAR hakiminin köməkçisi: Namiq Hüseynov  (Bakı).
Hakim-inspektor: Vüsal Əliyev  (Bakı).
AFFA nümayəndəsi: Namiq Əliyev (Bakı). 
31 yanvar. Tovuz. Şəhər stadionu. 300 tamaşaçı (6800 yerlik). 
Birinci hissəyə 1, ikinci hissəyə 6 dəqiqə əlavə olunub. 
Oyunun qiyməti: 6,5.

21-ci turun Tovuzda keçirilən açılış matçı komandalar üçün xüsusi əhəmiyyət daşıyırdı. Bir tərəfdə sonuncu pillədən qurtulmaq istəyən “Kəpəz”, digər tərəfdə isə avrokubok iddiasını gizlətməyən və fasilədən sonra qələbəyə həsrət qalan “Sabah” var idi.

Artıq 4-cü dəqiqədə Şafrankonun zərbəsinə blok qoysalar da, Ehtiram topu uzaqlaşdıra bilmədi. Xəyal Əliyevin qapıya yönəltdiyi top Rauf Hüseynlinin əlinə dəydi. Referi “nöqtə”ni göstərdi. Şafranko - Rojerio düelindən hücumçu qalib ayrıldı. Cəmi 5 dəqiqə sonra “Kəpəz” hesabı bərabərləşdirdi. Bu qol birmənalı şəkildə Yusif İmanovun vicdanına yazılmalıdı. Onun irəli ötürdüyü topu ələ keçirən Ba dərhal qapını “nişan aldı”.

Bundan sonra da qarşılıqlı hücumlar davam etdi. 17-ci dəqiqədə Mikels Verdaşkadan topu “oğurlayıb” Şafrankoya ötürmə verdi. Şafranko topu Coy-Lensə qaytardı. Mikels zərbə endirsə də, Rojerio yerində idi. “Kəpəz” hesabda önə keçməyə yaxın oldu. Ehtiramdan ötürmə alan Paçu çevrilib zərbə endirmək istəsə də, Yusif önə atılıb zərbənin qarşısını aldı. Qapını boş görən Turan zərbə endirsə də, top toru yandan silkələdi. 44-cü dəqiqədə Mikels üç rəqibdən sıyrılıb Şafrankoya ötürmə verdi. Slovakiyalı topu komanda yoldaşına qaytarsa da, Mikels “Kəpəz”in cərimə meydançasında yerdə qaldı. Fərid Hacıyev yenə “nöqtə”ni göstərdi. Ancaq VAR-a baxandan sonra Xvalkonun topa oynadığını görüb, qərarını dəyişdi. Buna baxmayaraq, “Sabah” yenidən fərqlənməyi bacardı. Uzatma dəqiqələrində Tellurun qapı qarşısına ötürməsini Sekidika dəqiq zərbə ilə topu tora qovuşdurdu - 1:2.


Düşünmək olardı ki, oyunda 2-ci dəfə önə keçən “bayquşlar” daha qələbəni əldən verməyəcək. Ancaq belə olmadı. 54-cü dəqiqədə Raufun qapı qarşısına ötürməsini Noqeyra uzaqlaşdıra bilmədi. Əli Səmədov başla zərbə endirərək hesabı bərabərləşdirməyə bacardı - 2:2. 58-ci dəqiqədə Xəyalın uzun ötürməsini qəbul edən Mikels irəliləyib uzaqdan bəxtini sınasa da, Rojerio topu dəf etməyi bacardı. Saniyələr sonra Amin Noqeyraya ötürmə verdi. İqor isə topu geridə olan Yusifə qaytardı. Noqeyra topu ələ keçirmək üçün pressinq edən Ardazişvilinin dabanına təmas edərək futbolçunu yerdə qoydu. Referi öncə oyunu davam etdirsə də, sonra VAR kamerasına yaxınalaşaraq epizodu yaxından izlədi. Və belədə öncə “nöqtə”ni göstərdi, ardından İqora ikinci “sarı” ilə meydandan qovdu. Rauf Hüseynli 11 metrlik cərimə zərbəsindən fərqlənməyi bacardı - 3:2. Sona hələ xeyli vaxt qalsa da, qonaqlar məğlubiyyətdən qaşa bilmədi.

Beləliklə, “Kəpəz” bu qələbə sayəsində yenidən “Səbail”i turnir cədvəlində geridə qoymağı bacardı. “Neftçi” – “Şamaxı” oyunundan sonra gəncəlilərin “şirlər”i də ötüb 8-ci pilləyə yüksəlməsi dəqiqləşdi. “Sabah” isə artıq 4 turdu qələbəyə həsrətdi. 

Gözdən qaçmadı
* “Kəpəz”in amiqosu azarkeşlərdən nalayiq ifadələr səsləndirməməyi xahiş etdi. 
* Azər Bağırov cəzalı olduğuna görə oyunu tribunadan izlədi. Fasilədə azyaşlı azarkeşlər onunla şəkil çəkdirdi. 

ƏSƏD SEYİDOV