Sabah (Bakı) – Sumqayıt 0:0
1. Yusif İmanov – 5,5
2. Amin Seydiyev (k) – 6,0
44. Sofian Çakla – 5,5
3. Con İrasabal – 6,0
40. İqor Noqeyra – 5,5
6. Abdullax Xaybulayev – 5,0
(9. Anatoli Nuriyev, 52) – 5,0
7. Boyan Letiç – 5,5
88. Xəyal Əliyev – 6,0
(5. Rəhman Daşdəmirov, 73) – 4,5
18. Pavol Şafranko – 5,5
(20. Coy-Lens Mikels, 73) – 4,5
70. Cesse Sekidika – 6,5
(11. Kahim Parris, 78) – 5,0
12. Vinsent Til – 5,5
(99. Neqoş Kupusoviç, 46) – 5,5
Ehtiyat oyunçular
55. Nicat Mehbalıyev
94. Rəvan Mirzəmmədov
17. Tellur Mütəllimov
77. Şakir Seyidov
13. İvan Lepinitsa
Baş məşqçi: Vasili Berezutski
Komandanın ən yaxşısı: Cesse Sekidika

1. Mehdi Cənnətov – 5,5
6. Vüqar Mustayafayev (k) – 5,5
(66. Ruslan Əliyev, 90) – qiymətsiz
75. Nadir Orucov – 5,5
5. Alan Dias – 5,5
7. Rövlan Muradov – 5,5
(20. Ayxan Süleymanlı, 82) – qiymətsiz
14. Elvin Bədəlov – 5,0
8. Səbuhi Abdullazadə - 6,0
12. Georgi Karaişvili – 5,0
(60. Tresor Mossi, 82) – qiymətsiz
77. Casurbek Caloliddinov – 5,5
19. Roy Kehat – 5,5
30. Kamran Quliyev – 5,0
(11. Momo Yansane, 57) – 5,0
Ehtiyat oyunçular
94. Rəşad Əzizli
36. Xəyal Fərzullayev
41. Uğur Cahangirov
29. Qabil Əlizadə
24. Sənan Muradlı
57. Hüseyn Fərəcli
Baş məşqçi: Vaqif Cavadov
Komandanın ən yaxşısı: Səbuhi Abdullazadə

Vərəqə: C.Caloliddinov, 52 (qeyri-idman hərəkəti) - sarı.
Hakimlər: ELÇİN MƏSİYEV, Pərvin Talıbov, Rəhman İmami (hamısı Bakı), Rəşad Əhmədov (Mingəçevir).
VAR hakimi: Nicat İsmayıllı (Bakı).
VAR hakiminin köməkçisi: Asiman Əzizli (Bakı).
Hakim-inspektor: Orxan Məmmədov (Bakı).
AFFA nümayəndəsi: Rüfət Əmirov (Bakı).
25 yanvar. Bakı. “Bank Respublika Arena”. 1001 tamaşaçı (9000 yerlik).
Birinci hissəyə 1, ikinci hissəyə 6 dəqiqə əlavə olunub.
Oyunun qiyməti: 5,0.

Turun diqqətçəkən matçlarından biri də Masazırda keçirildi. Hər iki komanda üçün bu oyunun əhəmiyyəti böyük idi. Çünki “Sabah” ilk “4-lük”ə yaxınlaşmaq niyyətindəydisə, “Sumqayıt” da qələbə qazanıb “bayquşlar”la aradakı 7 xal fərqini əritmək istəyirdi.

İlk dəqiqələrdə tərəflərin kəsərsiz hücumlarına şahidlik etdik. İlk real qol vəziyyəti meydan sahiblərindən gəldi. 17-ci dəqiqədə Xəyal Əliyev irəlidə olan Sekidikaya ötürmə verdi. Sekidika iki futbolçunu aldadıb zərbə endirsə də, top dirəkdən qayıtdı. 1 dəqiqə sonra Sekidikanın künc zərbəsindən qapı qarşısına ötürməsini Çakla qeyri-dəqiq zərbə ilə tamamladı. 25-ci dəqiqədə “Sabah”ın növbəti təhlükəli hücumuna şahidlik etdik. Sekidika Nadir Orucovdan yayınıb zərbə endirsə də, top yenə dirəyə tuş gəldi. 30-cu dəqiqədə Vinsent Til Şafrankoya ötürmə verdi. Pavol topu Vinsentə qaytardı. Til Xəyal Əliyevə doğru ara ötürməsi versə də, Mehdi Cənnətov gənc hücumçunun zərbə endirməsinə mane ola bildi. 41-ci dəqiqədə Til uzaqdan bəxtini sınasa da, zərbəsi qeyri-dəqiq oldu. Xəyal – Til - Sekidika kombinasiyasını sonuncu qeyri-dəqiq zərbə ilə tamamladı. İlk hissənin sonlarında Amin Seydiyevin cərimə meydançasına doğru ötürməsinin qarşısını Elvin Bədəlov və Roy Kehat ala bilmədi. Bunu fürsət bilən Şafranko zərbə endirsə də, “çərçivə”yə düşmədi.

İlk hissədə qonaqların ifasında təhlükəli vəziyyətlə şahidlik etmədik. Nəhayət, “Sumqayıt”ın ilk təhlükəli vəziyyəti 50-ci dəqiqəyə təsadüf etdi. Casurbek – Kehat - Səbuhi kombinasiyasını sonuncu qeyri-dəqiq zərbə ilə tamamladı. 55-ci dəqiqədə Rövlan Muradovun cərimə zərbəsindən qapı qarşısına ötürməsini Kehat qeyri-dəqiq baş zərbəsi ilə tamamladı. Saniyələr sonra Şafrankodan ötürmə alan Kupusoviç çevrilib zərbə endirsə də, Mehdi Cənnətov yerində idi. Bir dəqiqə sonra Amin Seydiyevin qapı qarşısına ötürməsini Sekidika baş zərbəsi ilə tamamlamaq istədi. Ancaq Mehdi topu iki cəhdə tutdu. Son 20 dəqiqə də “Sabah”ın hücumları şəraitində keçdi. Şafranko, Mikels, Parris, Kupusoviç hesabı açmağa yaxın oldu. Amma 0:0 hesabı sona qədər qorundu. Bu isə o deməkdi ki, “Sabah” ardıcıl 2-ci oyunda qələbəyə həsrət qalmaqla hədəflərindən bir qədər də uzaq düşdü.

Gözdən qaçmadı
Rəşad Əhmədov 2-ci hissəsin əsas vaxtına 6 dəqiqə artırıldığını göstərən zaman Vaqif Cavadov “nə oldu, bəs bayaq 5 dəqiqə idi” dedi.

ƏSƏD SEYİDOV