“Qarabağ” bu gün Avropa Liqasının 8-ci turu çərçivəsində “Olimpiakos”un qonağı olacaq. Bilindiyi kimi, bu, “köhlən atlar”ın avrokubokların 2024/25 mövsümündəki sonuncu oyunu olacaq.

Təəssüf ki, ağdamlılar bu dəfə nəticə baxımından istəyinə çata bilmədi. Baxımlı oyunları müşayiət edən səhvlər, bəzi hallarda çatışmazlıqlar, zədədilərin, cəzalıların olması, Qurban Qurbanov etiraf etmək istəməsə də yeni format komandaya baha başa gəldi.

Sonuncu məqam üçün sadə nümunə bəs edir. Məsələn, Çempionlar Liqasının təsnifat mərhələsində də cütün taleyini bir oyun həll etsəydi, “Qarabağ”ın “Ludoqorets”in meydanında qazandığı tarixi 7:2 hesablı qələbənin şahidi ola bilməyəcəkdik. Sadəcə, “köhlən atlar”ın evdə bu rəqibə 1:2 hesabıyla uduzduğunu xatırlayacaqdıq. İsətənilən halda hər şey geridə qaldı. İndi təkcə itirilənlərdən yox, həm də qazancdan danışmağın vaxtıdı.

“Football-plus.az” xəbər verir ki, “Qarabağ” avrokubokların cari mövsümündə 8 milyon 600 min avro gəlir əldə edib. Komanda Çempionlar Liqasının pley-offuna vəsiqə qazana bildiyi üçün 4,3 milyon avro qazanıb. Ağdamlılara Avropa Liqasının əsas mərhələsinə yüksəlmələri münasibətilə daha 4,3 milyon avro ödəniş alacaq. Bundan başqa, “Bude/Qlimt” üzərində qələbəyə görə daha 450 min avro qazanılıb. “Köhlən atlar” “Olimpiakos”la mübarizədən qalib ayrılsa, daha 450 min, heç-heçəyə razılaşsa, 150 min avro əldə edəcək.

Göründüyü kimi, “köhlən atlar” artıq 9 milyon avrodan çox vəsaitə yiyələnib. Yunanıstanda bu məbləği bir az da “şişirtmək” lazımdı!

KƏNAN BAHADIR