Albaniya çempionatında 20-ci turun oyunları keçirilir.

"Football-plus.az" xəbər verir ki, Zamiq Əliyevin formasını geydiyi “Eqnatia” öz meydanında “Laçi”ni qəbul edib.

90-cı dəqiqədə Soumaila Bakayokonun vurduğu qol həmyerlimizin komandasına 1:0 hesablı qələbə qazandırıb.

Görüşə ehtiyat oyunçular skamyasından başlayan Zamiq Əliyev 90-cı dəqiqədə Redi Kasanın əvəzinə meydana çıxıb.

Bu matçda “Eqnatia”nın heyətində qış fasiləsində “Sumqayıt”dan ayrılan Fernando Medeyros da debüt edib. Zamiq kimi o da matça ehtiyadan başlasa da, 69-cu dəqiqədə Arbin Zejnullainin əvəzinə oyuna qoşulub.

Minimal hesablı qələbə sayəsində xallarının sayını 33-ə çatdıran “Eqnatia” turnir cədvəlində dördüncü yeri tutur. Lider “Dinamo Tirana” və ikinci pillədəki “Vilaznia” 34 xala malikdilər.