“Neftçi”dən heç kim mənə heç nə demədi” - Edqar Adilxanovun hədəfi nədi?
“Şamaxı” Edqar Adilxanovla yeni müqavilə imzaladığını açıqladı.
19 yaşlı futbolçu “Neftçi”nin yetirməsi olsa da, özünü Ayxan Abbasovun rəhbərliyi altında tanıda bildi. Son vaxtlar diqqət mərkəzinə düşən gənc yarımmüdafiəçiyə elə “ağ-qaralar”ın təklif göndərdiyi də deyildi. Daha doğrusu, Samir Abasovun gələcək planlarına onu da qatdığı iddia edilirdi. Lakin Edqar daha 2,5 il “Şamaxı” forması geyəcək.
Maraqlıdı, Adilxanov niyə yetirməsi olduğu kluba qayıtmaq istəmədi? Edqar “Football-plus.az”a açıqlamasında həm bu barədə, həm də gələcək hədəflərindən danışdı:
“Şamaxı” ilə yeni müqavilə bağladığıma görə şadam. Həmişə hədəflərimi böyük qoyurdum. “Neftçi”dən təklifim yox idi. Yəni mənə heç kim heç nə demədi. İndi burdayam. Hər futbolçunun istəyi əsas yığmada çıxış etməkdi. Hədəflərimdən biri Avropanın “böyük beşlik” liqaları səviyyəsində oynamaqdı. Amma ilk növbədə Azərbaycan liqasında mövsümün sonuna kjmi sabit oynamağa çalışmalıyam” .
RÖYANƏ OĞUZ
Digər xəbərlər
