Çempionşipin 23-cü turunda ''Lids'' səfərdə ''Stok Siti''ni 2 cavabsız qolla məğlub edərək liderliyə yüksəldi.

Oyun daha çox qonaq komandanın fanatlarının qalmaqallı tezahüratı ilə əlamətdar oldu. ''Lids''in heyətində israilli Manor Solomon top qovur. Fanatlar oyunun sonlarına yaxın bir mahnının sözlərini dəyişərək ''ağlımda Manor Solomon var və o Fələstinə nifrət edir'' tezahüratını səsləndirdilər. Onların videosu ''iks''də (''tvitter''də) yayılaraq İngiltərədə böyük müzakirələrə səbəb olub. Hələ ki, İngiltərə Futbol Assosiasiyası və İngiltərə Futbol Liqası məsələ ilə bağlı açıqlama verməyib. Amma polisin məsələni araşdırmağa başlayacağı istisna edilmir. Olayın böyüdüyünü görən ''Lids'' rəsmi bəyanat yayaraq fanatlarını qınayıb.

Orda ''klub bu davranışı qınayır. Hər cür ayrıseçkiliyə qarşıyıq və bu siyasətimizi davam etdirəcəyik'' sözlərinə yer verilib.

Məsələni qalmaqallı edən məqam odu ki, Britaniya vətəndaşlarının çoxu Fələstin tərəfdarıdı. Elə Britaniyada son bir ildə ''Seltik'' və ''Liverpul'' fanatları daxil olmaqla bir çox stadionlarda Fələstinə dəstək nümayiş etdirilib. İsrail yığmasının üzvü olan 25 yaşlı Solomon müqavilə ilə ''Tottenhem''ə məxsusdu və ''Lids''də icarə əsasında çıxış edir.

ƏLİ