''Real''ın və İngiltərə yığmasının ulduzu Cud Bellingemin vətənindəki tətili maraqlı hadisələrlə zəngin keçir.

Onun kiçik qardaşı Cob bilindiyi kimi çempionşip təmsilçisi ''Sanderlend''in şərəfini qoruyur. Bir neçə gün öncə Cud 19 yaşlı qardaşının oyununu canlı izləmək üçün ''Blekbern'' - ''Sanderlend'' oyununa getmişdi. O, futbolsevərlərin böyük marağı ilə qarşılaşmış və üstəlik ''Sanderlend'' fanatlarının Alan Şirerin əleyhinə səsləndirdiyi tezahüratlarda da qoşulmuşdu. Şirer bilindiyi kimi ''Nyukasl''ın əfsanəsidi. ''Nyukasl'' ilə ''Sanderlend'' isə əzəli rəqiblərdi. Bellingemin bu hərəkəti müzakirələrə səbəb olmuşdu.

Ertəsi gün isə Cud qardaşı ilə birlikdə restonlardan birində görüntüləndi. Burda da onun başına kuryoz adlandıra biləcəyimiz bir hadisə gəldi. Azyaşlı fanatlardan biri iki qardaşdan imza almaq üçün onlara iki yerə qatlanmış kağız uzatdı. Onların hərəsi öz adının qarşısında imza atdı. Qardaşlar kiçik fanatlarla şəkil də çəkdirdilər. Amma sonradan məlum oldu ki, onların imza atdığı kağızın yuxarı hissəsində tamam başqa şey yazılıbmış. Orda ''biz Cud və Cob qardaşları ''Bernli'' ilə onillik müqavilə imzalamağa rəsmi razılıq veririk'' sözləri yazılıbmış. Təbii ki, bu şəkili öz səhifəsində paylaşan kiçik fanat qardaşlardan verdikləri sözə əməl etməyi və ''Bernli''yə keçməyi tələb edib. Bu paylaşım böyük maraqla qarşılanıb. Bəzi futbolsevər zarafatca həmin fanatın ''Barselona''nın prezidenti Joan Laportadan futbolu daha yaxşı bildiyini iddia ediblər.

ƏLİ