“Əvvəla məlum təyyarə qəzasıyla bağlı çox kədərləndiyimi bildirmək istəyirəm. Ölənlərə Allahdan rəhmət, yaralılara şəfa, cansağlığı diləyirəm. Allah bir daha xalqımıza, dövlətimizə belə hadisələr yaşatmasın. İlin futbolçusu seçilməyim haqda mövzuya gəlincə, bu mənim üçün çox qürurverici xəbər oldu. Çıxdığım yolda yanımda olan hər kəsə təşəkkür edirəm. Düşünürəm ki, 2024-cü ili çox uğurlu keçirdim. Özümü yaxşı tərəfdən göstərməyi bacardım. Buna görə məşqçilər korpusuna, futbolçularımıza, ümumiyyətlə, bütün “Qarabağ” ailəsinə minnətdaram. Düzü, belə mükafata layiq görüləcəyimi düşünmürdüm. Təbii ki, ilin ən yaxşı azərbaycanlı futbolçusu seçilmək çox sevindirici, xoş haldı. Respondentlər siyahısında olsam, kimə səs verərdim? Düzü, mənim üçün çox çətin sualdı. Amma Nəriman Axundzadə, Elvin Cəfərquliyev, Bədavi Hüseynov və Mahir Emreli bu il çox yaxşı çıxış etdi. Səsimi onlara verərdim. Növbəti il üçün hədəflərimə gəlincə, hər kəs həmişə ən yaxşılar sırasında olmaq istəyər. Əlbəttə, məqsədim daha çox çalışmaq, ildən-ilə daha yaxşısını etməkdi”.