“Turnir cədvəli bəzən insanları aldadan şeydi. Komanda haqda danışılacaq çox şey var. Keyfiyyət baxımından çox komandadan üstünük. Şəraitsizliyə görə bu vəziyyətdəyik. Oyundan-oyuna yığışırıq, hansısa məşq keçmirik. Bəzi mövqelərdə oyunçumuz yoxdu. Əsas da qol silahımız, yəni hücumçumuz yoxdu. Çox yersiz xallar itirmişik. O xalları itirməsəydik, turnir cədvəlində fərqli mövqeydə olardıq. Fasilədən sonra son üç oyunda məğlub olurduq. Komanda normal vəziyyətdə idi və nəticələrdən razıydıq. 20 gün fasilədən sonra iki çətin oyun keçirdik. Ondan sonra isə “Qusar”la ev oyunundan videoçarx hazırlayıb, AFFA-ya göndərdik. “Qusar”la oyunda öz səhvlərimiz də oldu. Hakimin qərarları da nəticəyə təsir etdi. Ardıcıl üç məğlubiyyətdən sonra qələbə qazanmalıydıq. Uşaqlar da bunu dərk edirdi. Paltardəyişmə otağında da hiss olunurdu ki, yaxşı əhval-ruhiyyə var. Futbolçularım sona qədər döyüşdü, haqq etdikləri qələbəni qazandılar”.