Qış transfer dönəmi üçün çalışmalarını davam etdirən ''Fənərbaxça'' ilə bağlı yeni iddia gündəmə gəlib.

Əsas gücünü Anderson Talişkanın transferinə yönəldən İstanbul nəhənginə menecerlər vasitəsilə ulduz bir futbolçu təklif olunub. Söhbət Roberto Firminodan gedir. Son iki mövsümü Səudiyyə Ərəbistanı təmsilçisi ''Əl-Əhli''də keçirən 33 yaşlı braziliyalı forvard Avropaya qayıtmaq arzusundadı. Ona görə də menecerlər ona Avropada oynaya biləcəyi iddialı bir klub tapmaq istəyir. Amma ''Fənər'' rəsmiləri menecerlərə konkret bir cavab verməyərək onlara bir qədər gözləməyi məsləhət görüblər.

''Sarı-lacivərdlilər'' Talişkanın keçidi baş tutmayacağı təqdirdə o zaman B planı olaraq Firminonu transfer etməyə çalışacaq. Firmino futbol dünyasında daha çox 2015-23-cü illərdə ''Liverpul''dakı çıxışı ilə yaddaşlarda iz buraxıb. Ötən il Səudiyyə Ərəbistanına yollanan ''sambaçı'' indiyə qədər ''Əl-Əhli''də 53 rəsmi oyunda 15 qol, 10 məhsuldar ötürmə ilə fərqlənib.

ƏLİ