Amil Yunanov Bakıya döndü!
Sonuncu dəfə Albaniyanın “Bülis” klubunda çıxış etmiş Amil Yunanov karyerasını Azərbaycanda davam etdirəcək.
“Football-plus.az”ın əldə etdiyi bilgiyə görə, Amil srağagün vətənə qayıdıb. 31 yaşlı hücumçunun 2-ci liqa klubu “Şəfa” ilə anlaşacağı gözlənilir.
Amil Bakıya dönəndən sonra sizinlə əlaqə saxlayıbmı? Transfer danışıqlarını davam etdirirsizmi? Onun “Bülis”lə münaqişədə olduğunu və FİFA-nın da məsələnin yaxından izlədiyini bilirsiz. Bu məqam sizi Amilin transferindən çəkindirmirmi? Bu sualları “Şəfa”nın idman direktoru Elvin Əsgərova ünvanladıq:
“Qarşıda bir oyunumuz qalıb. Əsas fikrimizi oyuna yönəltmişik. Gələn həftə “Füzuli” ilə qarşılaşacağıq. Oyundan sonra qəti nəsə danışmaq olar”.
Xatırladaq ki, Yunanov bu ilin sentyabrında “Bülis”ə keçsə də, ayyarım sonra Albaniyanı tərk edib.
ƏSƏD SEYİDOV
Digər xəbərlər
