“Qonaqlar süni otda, şaxtalı havanın hökm sürəcəyi stadionda böyük çətinliklə üzləşəcək” – isveçlilər böyükhesablı qələbə arzusunda
“Qarabağ” bu gün keçirəcəyi Avropa Liqası matçında qalib gəlməlidi. Bəli, Azərbaycanın futbol ictimaiyyətinin gözləntiləri bu yöndədi. Bunun əksini isə isveçlilər arzulayır.
“Football-plus.az” xəbər verir ki, bu barədə “Svenskafans.com” məlumat yayıb. Lakin hər şey bununla bitmir. Ona görə ki, meydan sahiblərindən böyükhesablı qələbə gözlənilir. Üstəlik adı çəkilən nəşrin oyundan gözləntilər haqda hazırladığı yazıda bunun mümkün olduğu qeyd edilir:
“Elfsborq”un “Qarabağ”a qarşı şansı çox yüksəkdi. Bunu hiss edirik. Qonaqlar süni otda, şaxtalı havanın hökm sürəcəyi stadionda böyük çətinliklə üzləşəcək. Azərbaycan komandasının ümumi durumu yaxşı deyil. Kollektiv premyer-liqada lider “Araz-Naxçıvan”dan geridədi. Sonuncu matçda əsas rəqiblərindən sayılan “Sabah”a qalib gələ bilmədi. Avropa Liqasının son turunda isə evdə “Lion”a biabırçı şəkildə məğlub olub – 1:4. “Qarabağ” Avropa Liqasında ən çox qol buraxan komandadı. Göründüyü kimi, kollektivin müdafiə xətti çox zəifdi. Bu fürsətdən istifadə etmək lazımdı. Bu gün “Elfsborq” rəqibə azı üç qol vura bilər”.
KƏNAN BAHADIR
Digər xəbərlər
