Canluici Donnarumma ilə bağlı bir müddət əvvəl yayılan xəbər doğru çıxıb.

PSJ italyan qapıçı ilə yeni müqavilə üzrə aparılan danışıqları dayandırıb.

Fransa mətbuatının məlumatına görə, Paris klubunun rəhbərliyi futbolçunun hazırkı səviyyəsinin onun tələb etdiyi maaşa uyğun olmadığını düşünür. 25 yaşlı qapıçı yeni müqavilə üçün razılıq əldə olunmayacağı halda klubdan ayrılmağa hazırdı. Yeri gəlmişkən, bir müddət əvvəl Canluicinin “Milan”a qayıtmaq istəməsi haqda xəbər yayılmışdı.

O, PSJ-də 2021-ci ildən oynayır. Əlcək sahibi bu mövsüm komanda ilə bütün turnirlərdə 12 matça çıxıb və 14 top buraxıb. AÇ-2020-nin qalibinin paytaxt klubu ilə müqaviləsinin müddəti 2026-cı il yayına qədər nəzərdə tutulub.