“Çempionatda 6 komanda var. “Araz-Naxçıvan” federasiya tərəfindən maliyyələşir. “Neftçi” və “Baku Fire” özlərinin şəxsi sponsorları var. Digər komandalar Azərbaycan Futzal Federasiyası tərəfindən maliyyələşir. Bizə dəstək olan yoxdu. Federasiya yalnız komandaya oyun dəsti üçün bizə maliyyə ayırdı. Ötən il bizə də dəstək olurdu. Biz də normal şəkildə çıxış edirdik. Birdən-birə bizə verilən dəstək dayandırılır və qıraqdan gələn komandaya dəstək olurlar”.

“Azərbaycan Futzal Federasiyası tərəfindən klublara maliyyə büdcəsi ayrılmır. Hər il hansısa komandaya büdcə daxilində müəyyən yardımlar olur. Ötən il bu komanda Yüksək Liqada mübarizə aparırdı və ayda müəyyən məbləğdə yardım göstərilirdi. Bunu etmək o anlama gəlmirdi ki, hər il belə olacaq. Ötən il “Yasamal Bakı” üçün şərait yaradıldı. Bu il isə həmin yardım “Şuşa”ya ayrılır. Yüksək Liqaya yüksəlib, debütantdı. Müəyyən qədər yardım göstərməyə çalışırıq. “Yasamal Bakı” üçün bunu etdik və komanda daimi sponsor tapa bilmədi. Hər il bu komandaya müntəzəm pul ayırmaq federasiyanın imkanları xaricindədi. Mövsümün əvvəlində komanda forma dəstləri almaq üçün federasiyaya müraciət etdi. Müəyyən qədər yardım olundu. Amma heç kim “Yasamal Bakı”ya demiyib ki, çempionatda iştirak etsəz, bəlli bir məbləğ sizə ayrılacaq. Belə bir vəd verilməyib. “Yasamal Bakı”nın baş məşqçisi Anar İsayev AFFA-ya məktub ünvanlayıb. AFFA, təbii ki, aidiyyatı üzrə Azərbaycan Futzal Federasiyasına yönəltrmişdi. Biz bu məktuba cavab vermişik. Anar bəyin özü ilə də söhbət olub, durumu izah etmişik”.