1:15 uduzdu, gileyləndi

“Çempionatda 6 komanda var. “Araz-Naxçıvan”ı federasiya maliyyələşdirir. “Neftçi” ilə “Baku Fire”ın sponsoru var. Bizə dəstək olan yoxdu. Federasiya yalnız komandaya forma dəsti üçün maliyyə ayırdı. Ötən il bizə dəstək olurdu, biz də normal çıxış edirdik. Birdən-birə bizə verilən dəstək dayandırılır və qıraqdan gələn komandaya dəstək verilir. Sonuncu yerdə gedən komanda ilə aramızda büdcə fərqi çox böyükdü. Ötən mövsümü 4-cü pillədə bitirdik. Kubokda da yaxşı mübarizə apardıq. Komandada 18, 19, 20 yaşlı futzalçılardı. Onların təcrübəsi yoxdu. Çempionat gec başladı. Bu çempionatda oynamayaq, bəs harda oynayaq? Ölkədə bütün turnirlər başlamışdı. Qeydiyyatdan keçə biləcəyimiz bir yer yox idi. Bizi bu vəziyyətdə qoydular. Dedilər ki, iştirak edirsiz-edin, etmirsizsə, özünüz bilərsiz. Mən də pis-yaxşı iştirak etdim. Hazırda əlimizdən gələn budu. Çox çətin durumdu”.