Nadal tennisdən məğlubiyyətlə getdi...
Devis kubokunda Niderland və İspaniya tennisçiləri arasında keçirilən 1/4 final oyunu “narıncılar”ın qələbəsi ilə bitib – 2:1.
İspaniya yığmasının şərəfini qoruyan Rafael Nadal Botik van de Zandshyulpa uduzub - 4:6, 4:6. Bu, 38 yaşlı əfsanənin karyerasındakı son oyun idi. Nadal son oyunu belə şərh edib:
“Hiss edirəm ki, bu, mənim üçün sonuncu peşəkar səviyyəli oyun idi. Devis kubokundakı ilk oyunda uduzmuşdum, sonuncuda da uduzdum. Mən yığmanın kapitanı olsaydım, növbəti oyun üçün özümü heyətə salmazdım. Yarımfinala adlasaydlq, Bautista-Aquta şans vermək daha yaxşı olardı”.
Nadal başqa maraqlı ifadələr də işlədib:
“Titullar vacibdi, ancaq hər şeydən əvvəl bunu istəyirəm ki, adamlar məni Malyorkadakı kiçik şəhərcikdən olan yaxşı və təsəvvür etdiyindən daha uca zirvələrə çatan oğlan kimi xatırlasınlar”.
Nadal fərdi yarışlarda 1080 qələbə və 92 titul, o cümlədən iki “Böyük dəbilqə” turniri qazanıb. Onun hesabında Olimpiya Oyunlarının iki qızıl medalı da var.
Digər xəbərlər
