Tennisin əfsanəsi Rafael Nadal fanatlarını üzən xəbəri rəsmən ictimaiyyətə açıqlayıb.

O, qarşıdan gələn Devis Kubokunun final mərhələsinin ardından karyerasını bitirəcəyini vurğulayıb. ''Böyük dəbilqə''lərin 22 qat qalibi olan və bu göstəricidə yalnız serbiyalı Novak Cokoviçdən (24) geri qalan ispaniyalı Nadal qərarı ilə bağlı öz sosial şəbəkə səhifələrində paylaşım edib. Onun 12 fərqli dildə fanatlarına təşəkkür paylaşımı etməsi də diqqət çəkib.

38 yaşlı Nadalın bu qərarı çoxdan gözlənilirdi. Çünki o, xüsusilə son iki ildə tennis oynamaqdan çox zədələrini müalicə etməklə məşğul idi.

Qeyd edək ki, Devis Kubokunun final mərhələsi 19-24 noyabrda İspaniyanın Malaqa şəhərində keçiriləcək. Torpaq kortun kralı hesab olunan Nadal karyerası ərzində 92 titul qazanıb. Ümumilikdə 209 həftə ATP reytinqinin lideri statusunda olan Nadal ''Rolan Qarros''u 14 dəfə qazanmaqla adını ''Ginnesin Rekordlar Kitabı''na yazdırıb.

ƏLİ