İsveç millisinin baş məşqçisi istefa verdi

İsveç millisinin baş məşqçisi Yanne Andersson istefa verib.

“Football-plus.az” xəbər verir ki, bunu 61 yaşlı mütəxəssis AÇ-2024-ün seçmə mərhələsində Estoniya (2:0) ilə keçirilən oyundan sonra açıqlayıb.

2016-cı ildən skandinaviyalıları çalışdıran Yanne Andersson final mərhələsinə vəsiqə qazana bilmədikləri üçün bu addımı atdığını bildirib.

Qeyd edək ki, millimizin də yer aldığı F qrupunda İsveç 10 xalla üçüncü yeri tutub. 7 xala malik yığmamız 4-cü olub. Bu komandalar arasında Solnada keçirilən görüşdə İsveç 5:0, Bakıda baş tutan matçda isə Azərbaycan 3:0 hesablı qələbə qazanıb.