“Real”da bu mövsüm zədə sindromu bitmək bilmir. Orelyen Çuameni də sıradan çıxıb.

Klubun mətbuat xidmətinin məlumatına görə, 24 yaşlı yarımmüdafiəçi ayaq biləyinin burxulması səbəbindən bir ay yaşıl meydandan kənarda qalacaq. Qeyd edək ki, Orelyen bu mövsüm “Real”ın heyətində 15 oyunda meydana çıxıb.

Yeri gəlmişkən, “Real” rəhbərliyi yarımmüdafiəçi mövqeyinə transfer etməyi hazırlaşır. “Marca” qəzetinin məlumatına görə, bu, İspaniya klubunun sabiq futbolçusu Toni Kroosun karyerasını başa vurması ilə bağlıdı. “Real” hələ də ona layiqli əvəzləyici tapa bilməyib və rəhbərlik 2025-ci ilin yay transfer əməliyyatlarında bu problemi həll etmək niyyətindədi.

Karlo Ançelottinin komandası hazırda La Liqada 24 xalla 2-ci yerdədi. Turnir cədvəlinə isə 33 xalla “Barselona” başçılıq edir.