“Evə yeni gəlmişəm. Dünən əməliyyat olundum. Şükür, əməliyyatım yaxşı keçdi. Məndə köhnə zədə var idi, bir-iki ildi belə oynayıram. Dizim bloklanırdı. Millinin düşərgəsindən qayıdandan sonra, "Şamaxı" ilə oyundan bir gün əvvəl məşqdə ayağım bloklandı. Sonra dizim şişdi. Oyuna da gərək çıxmazdım. Meydana da ağrılarla çıxmışdım. Axsayır, hərəkət edə bilmirdim. Gördüm ki, artıq normal deyil. Matçdan sonra MRT etdik, həkim qərar verdi ki, əməliyyat lazımdı. İndi yaxşıyam. Bərpa prosesi üç həftə davam edəcək. İstəyərəm ki, daha tez komandaya qoşulum. İnşallah bu günlər də keçər, yolumuza qaldığımız yerdən davam edərik”.