''Qalatasaray''ın göz bəbəyi Mauro İkardinin Türkiyədən ayrılaraq vətəni Argentinaya qayıdacağı ilə bağlı xəbərlər günü-gündən artır.

Srağagün ''Cim-Bom''un yönəticisi və başqan köməkçisi İbrahim Hatipoğlu İkardinin ayrılmasının müzakirə mövzusu olmadığını, eləcə də bu futbolçu ilə bağlı ciddi planlarının davam etdiyini bildirmişdi. Amma Argentina mətbuatında tamam fərqli iddialar ortaya atılıb. İkardinin vətəninə qayıtmaq istəməsinin başlıca səbəbi həyat yoldaşı Vanda Nara ilə barışmasıdı. Vanda bir müddət öncə verdiyi açıqlamada artıq Argentinada yaşayacağını və burda bəzi önəmli layihələrinin olduğunu demişdi. Bu xəbərlərin fonunda İkardi sanki özünü ''River Pleyt'' fanatlarına sevdirmək üçün əlindən gələni edir.

O hər dəfə Argentinaya qayıtdıqda ''River''in stadionu ilə bağlı paylaşımlar edir. Fanatlar da onu sevimli klubda görmək arzusundadılar və İkardiyə çoxsaylı mesajlar göndərirlər. Hətta iddiaya görə ''River Pleyt'' bu transfer üçün 15 milyon dollarlıq bir büdcə ayırıb. Baş məşqçi Marselo Qalyardonun qarşıdakı günlərdə İkardi ilə əlaqə quraraq onu ''River''ə gəlməyə razı salmağa çalışacağı gözlənilir. Fanatlar bu mövzuda yeni xəbərlər gözləyirlər.

''Cim-Bom''da indiyə qədər 83 oyunda 58 qol, 22 məhsuldar ötürməlik diqqətçəkən performans sərgiləyən və iki çempionluq qazanan İkardinin klubla 2026-cı ilə qədər müqaviləsi var. Qış transfer dönəmində bu mövzuda yeni sürprizlər yaşanacağı istisna edilmir.

ƏLİ