Ferstappen başqalarından nə ilə fərqlənir?
“Red Bull”un avtoidman üzrə məsləhətçisi Helmut Marko “öküzlər”in pilotu Maks Ferstappenin yanaşmasının Fernando Alonso və Lüis Hemilton ilə müqayisədə fərqli olmasından danışıb:
“Maks Fernando Alonsoya və ya Lüis Hemiltona bənzəmir. Onlar fiziki durumları imkan verənə qədər yarışlarda iştirak edəcək. Ferstappeni isə məhz qələbələr maraqlandırır. Onun üçün sonda nə qədər – 4, 5 və ya 6 titul qazanmaq önəmli deyil. Maks bu idman növündən ləzzət almağa çalışır. Ona özünü rahat hiss edə biləcəyi mühit lazımdı”.
Ferstappen hazırda “Formula-1” üzrə dünya çempionatında 331 xalla 1-ci pillədə qərarlaşıb. 2-ci yerdə gedən “Maklaren”in pilotu Lando Norrisin 279 xalı var.
Yeri gəlmişkən, Beynəlxalq Avtomobil Federasiyası (FIA) gələn ilin fevralında “Formula-1”in yaranmasının 75 illik təntənələri çərçivəsində bütün yarış maşınlarını nümayiş etdirməyi planlaşdırır. Yubiley Londondakı “O2” arenasında qeyd olunacaq. 18 min yerlik arenada keçiriləcək mərasimə bilet satışı da gözlənilir.
Digər xəbərlər
