“Tottenhem” yalnız bu görüşün yox, liqanın favoritidi. Əksəriyyət ümumi durumu təhlil edərkən bu rəqibdən xal almağın mümkün olmadığını fikirləşsə də, belə deyil. “Qarabağ” avrokuboklarda böyük təcrübəyə malikdi. Heyətlə bağlı problemdən söhbət gedə bilməz. Qurban Qurbanovun komandası daha əvvəl dəfələrlərlə belə güclü rəqiblərlə qarşılaşıb və baxımlı oyun göstərib. Düzü, “Qarabağ” ən yaxşı oyununu göstərsə və böyük güc sərf etsə, “Tottenhem”dən bir xal ala bilər.

Bəli, daha əvvəl bu rəqiblə oyunlarda meydana çıxmışam. Həmin futbolçular çox güclü idilər. İndi çoxu böyük Avropa klublarında forma geyir. İddialı mütəxəssislərə çevrilənlər də var. “Tottenhem”in indiki heyəti əvvəlkindən güclü deyil. Hələ o vaxt ilk oyunda hesabı açıb önə keçməyi bacarmışdıq. Sadəcə, sonra vəziyyəti dəyişdilər. Bununla yanaşı, İngiltərənin futbol ölkəsi olduğunu unutmamalıyıq. Orda nəinki elita klublarının, aşağı liqada çıxış edən komandaların oyunlarına da minlərlə azarkeş gəlir. Böyük ehtimalla, “Qarabağ”la matçda da onminlərlə tərəfdar stadiona axışacaq. Komandamız daha əvvəl belə ciddi azarkeş təzyiqi altında çıxış edib və yaxşı nəticələr qazanıb. “Qarabağ”a inanıram. “Tottenhem”dən bir xal almaq mümkündü”.