"Biz komandaya yenə dəstək olacağıq. Harda oynamasından asılı olmayaraq, "Qəbələ" adına, loqosuna görə heç bir təmənna güdmədən komandanın yanında olmuşuq. Ötən il bilirdik ki, liqadan düşəcəyik, amma son oyuna qədər dəstək olduq. İndi də eyni qaydada davam edəcəyik. Ümid edirik ki, hamımız birləşib yenidən elitaya qayıdacağıq. "Qəbələ"ni sevənlər yenə stadionlara gəlib dəstək olacağıq. Nəticəyə görə gəlməyən azarkeşlər gəlməsə, daha yaxşıdı. İnanıram ki, sabah stadionda yetərincə azarkeş olacaq. İnşallah, komandamız mövsümə yaxşı başlayacaq".