"Birinci oyun istədiyimiz kimi alınmadı. Türkiyə millisi matça çox aqressiv başladı. Birinci dəqiqədən oyunçularımızda inamsızlıq yarandı və qapımızda erkən qol gördük. İkinci hissədə oyunumuz düzəlməyə başladı. Uşaqların inamı artdı. Buna baxmayaraq, oyunun sonunda daha bir qol buraxdıq. Növbəti iki gün ərzində uşaqları motivasiyasını artırmağa çalışdıq. Mənə elə gəlir ki, bunun öhdəsindən gələ bildik. İkinci oyunda uşaqlar mübarizlik göstərdilər. Üç qol imkanımız olsa da, yararlana bilmədik. Gələcək planlarla bağlı hələ ki danışa bilmərəm. Oktyabrda yoldaşlıq oyunu gözlənilir. Noyabrda artıq Avropa çempionatının seçmə oyunları başlayacaq. Plan üzrə hərəkət edirik".