"Qarabağ" futbolçusu Hamidu Keytayla yolları ayırıb.

"Football-plus.az" xəbər verir ki, 29 yaşlı fransalı vingerlə müqaviləyə qarşılıqlı razılaşma ilə xitam verilib. 2023-cü ilin yayından “Qarabağ”da çıxış edən Keyta bu müddətdə 54 matça çıxıb və 9 qol vurub. O, premyer-liqada 31 (7 qol), kubokda 6 (2 qol), avrokuboklarda 17 oyun keçirib. Hamidu “Qarabağ”la ölkə çempionu və kubokunun qalibi olub.

"Qarabağ" Keytaya göstərdiyi xidmətlərə görə təşəkkür edib, gələcək karyerasında uğurlar arzulayıb. Türkiyə mətbuatının yazdığına görə, Keyta karyerasını superliqa təmsilçisi "Konyaspor"da davam etdirəcək.

Qeyd edək ki, indiyə qədər Adama Diakabi, Andrey Lunyov, Nihat Quliyev və Luka Quqeşaşvili də "Qarabağ"dan ayrılıb.