“Radoviç komandaya yayda qoşuldu, bir neçə oyunda da meydana çıxdı. Amma heç cür uyğunlaşa bilmədi - həm Azərbaycana, həm də komandaya. Hər oyunçunun öz oynayacağı komanda var ki, bu da Slavişa üçün “Sumqayıt” deyildi. Ona görə də qarşılıqlı razılıq əsasında belə qərara gəldik. Çox mədəni, mərifətli insandı. Ona izah olundu ki, sən oynaya bilmirsən, özü də bildirdi ki, hə başa düşürəm, görürəm ki, komandaya heç cür uyğunlaşa bilmirəm. Ona görə də problem olmadı. Qarşılıqlı razılıq əsasında müqaviləsinə xitam verdik və göndərdik”.