Türkiyənin 1-ci liqa təmsilçisi ''Adanaspor''un baş məşqçisi Sol Bambadan üzücü xəbər gəlib.

Adana təmsilçisi cümə günü səfərdə ''Manisa'' ilə qarşılaşdı. Oyundan bir neçə saat öncə Sol Bamba özünü piss hiss etdiyi üçün təcili olaraq Manisada yerləşən xəstəxanalardan birinə yerləşdirilmişdi. Amma onun həyatını xilas etmək mümkün olmayıb. Kot d'İvuarlı futbol adamı 39 yaşında dünyasını dəyişib. Bamba limfoma xərçəngindən əziyyət çəkirdi. Bu diaqnoz ona hələ 2021-ci ildə ''Kardiff Siti''də oynayarkən qoyulmuşdu. Həmin vaxt Bamba kimyaterapiya kursu keçdikdən daha 1 il də futbol oynamış və karyerasını 2022-də ''Midlsbro''da başa vurmuşdu.

Məşqçilik karyerasına isə o, yenicə başlamışdı və ''Adanaspor''un başına bu yay keçmişdi. Kot d'İvuar yığmasında 2008-14-cü illərdə 46 oyuna çıxaraq 1 qol vuran Bamba klub karyerasında PSJ, ''Danfermlayn'', ''Hibernian'', ''Lester'', ''Trabzonspor'', ''Palermo'', ''Lids'', ''Kardiff Siti'' və ''Midlsbro''nun şərəfini qoruyub.

ƏLİ