Məlum olduğu kimi ''Qalatasaray'' Çempionlar Liqasında pley-offun ilk oyununda ''Yanq Boyz''a səfərdə 2:3 hesabı ilə uduzaraq fanatlarını üzdü.

İndi Türkiyə çempionu ÇL-in yeni formatı ilə keçiriləcək qrup mərhələsinə vəsiqə qazanmaq üçün evdə hökmən qalib gəlməlidi. Bu arada rəhbərlik futbolçuların motivasiyasını yüksəltmək üçün pul mükafatını artırıb.

Türkiyə mətbuatının yazdığına inansaq, ''Qalatasaray'' mərhələni adlayacağı təqdirdə komandaya 3 milyon avro mükafat veriləcək. ''Cim-Bom'' qrup mərhələsinə vəsiqə qazanacağı təqdirdə UEFA-dan ən azı 18 milyon avro gəlir əldə edəcək. Bu məbləğ klub üçün çox önəmli olduğundan rəhbərlik belə addım atmaq qərarına gəlib.

''Qalatasaray'' ötən mövsüm ÇL-də başlayan və AL-də bitən avrokubok macərası zamanı 31 milyon avroya yaxın gəlir əldə etmişdi. ''Qalatasaray''la ''Yanq Boyz'' arasındakı cavab oyunu avqustun 27-də keçiriləcək.

ƏLİ