Srağagün keçirilən “Səbail” – “Kəpəz” matçıyla Misli premyer-liqasında 4-cü tura start verildi.

Bu gün keçiriləcək oyunlarla qalan komandalar da münasibətləri aydınlaşdıracaq. Qarşılaşmaları “CBC Sport” canlı yayınlayacaq.

Misli premyer-liqası
1-ci dövrə, 4-cü tur
25 avqust
Sabah – Sumqayıt 3:1
Namik Ələsgərov, 44. Pavol Şafranko, 54. Cesse Sekidika, 77 - Fernando Medeyros, 12.
“Sabah”ın bu rəqiblə ev oyunlarının balansı: 11:+5=3-3, 22:14.
2018/19 – 1:4, 1:1; 2019/20 – 1:3; 2020/21- 1:2, 1:1; 2021/22 – 3:0, 2:2; 2022/23 – 3:0, 4:0; 2023/24 – 3:1, 2:0.
Cəzalı: Abdulla Xaybulayev (Sabah).
“Futbol+”in proqnozu: 40-30-30.
Hakimlər: ELÇİN MƏSİYEV, Elşad Abdullayev, Pərvin Talıbov, Kamran Əliyev.
VAR hakimi: Nicat İsmayıllı.
VAR hakiminin köməkçisi: Cəmil Quliyev.
Hakim-inspektor: Munis Abdullayev.
AFFA nümayəndəsi: Elgiz Abbasov.
Bakı, “Bank Respublika Arena”. Saat 18.15.

Konfrans Liqasında mübarizəni dayandıran “Sabah”ın premyer-liqadakı aqibəti düşündürücü idi. Görəsən, ötən mövsüm olduğu kimi, bu dəfə də uğursuzluqlar bir-birini izləyəcəkdi? “Neftçi”ylə qarşılaşma bu suala böyük ölçüdə aydınlıq gətirdi. “Bayquşlar” səfərdən iki cavabsız qolla qayıtdı ki, komandada hansısa psixoloji və fiziki problem hiss olunmadı. Görünür, Kurnoslav Renduliç bu yöndə fəal çalışıb. İndi masazırlılar evdə “Sumqayıt”ı sınağa çəkəcək. Favorit sayılan meydan sahibləri növbəti qələbəylə iddiasını ortaya qoymalıdı. “Sumqayıt”ın durumu da qənaətbəxşdi. Konfans Liqasıyla erkən vidalaşan “kimyaçılar” çempionata köklənməyə çalışır. Yalnız “Mehdi Hüseynzadə”də üzü gülən komanda səfərdən də qələbə ilə qayıtsa, gələcək matçlar üçün böyük ümid vəd edəcək.

Bu komandalar indiyə qədər 23 dəfə üz-üzə gəlib. “Sabah” 13, “Sumqayıt” 7 qələbə qazanıb. Topların nisbətində də “bayquşlar” öndədi – 44:22.

Zirə – Şamaxı 0:1
Leroy Mikels, 16.
“Zirə”nin bu rəqiblə ev oyunlarının balansı: 15:+6=8-1, 21:12.
2015/16 – 0:0, 2:1; 2016/17 – 1:1, 1:1; 2017/18 – 1:1, 1:2; 2018/19 – 2:2, 2:0; 2019/20 – 3:1; 2020/21 – 3:1, 0:0; 2021/22 – 2:0, 0:0; 2022/23 – 1:0, 2:2.
Cəzalı: yoxdu.
“Futbol+”in proqnozu: 40-40-20.
Hakimlər: KAMAL UMUDLU, Vüsal Məmmədov, Zöhrab Abbasov, Rəşad Əhmədov.
VAR hakimi: Əliyar Ağayev.
VAR hakiminin köməkçisi: Şirməmməd Məmmədov.
Hakim-inspektor: Əmrah İbrahimov.
AFFA nümayəndəsi: Anar Şixəliyev.
Zirə, İdman Kompleksinin stadionu. Saat 20.30.

“Zirə” əslində bu tur “Şamaxı”nın qonağı olmalıydı. Lakin Konfrans Liqasının pley-off sınaqlarından üzüağ çıxmaq istəyən “qartallar”ın müraciəti və “şirlər”in razılığı əsasında 12-ci turun “Zirə” – “Şamaxı” oyununun yeri dəyişdi. Qısası, qəsəbə təmsilçisi rəqibiylə “doğma divarlar” arasında qarşılaşacaq. Rəşad Sadıqovun komandası Nikosiyadan boynubükük qayıtdı. Alçaldıcı məğlubiyyətin matça təsirsiz ötüşməsi mümkün deyil. Yenə də “qartallar” toparlanıb çempionata köklənməlidi.

“Şamaxı”nın durumu isə bilinmir. Ona görə ki, komanda hələ çempionata tam uyğunlaşa bilməyib. Gah ev oyunlarının səfərə daşınması, gah da təxirəsalmalar “şirlər”ə ciddi problem yaradır. Belədə Ayxan Abbasovun təcrübəsi danışmalı və komanda tezliklə “relsə düşməlidi”. Rəqibin yorğunluğundan da yararlanmaq olar.

Komandalar indiyə qədər 31 dəfə qarşılaşıb. Bunların 12-də “Zirə”, 6-də “Şamaxı” qalib gəlib, 13-də isə “sülh” qeydə alınıb. Topların nisbətində “qartallar” öndədi – 39:29.

24 avqust
Qarabağ – Turan Tovuz 0:1
Otto Con, 18-p.
“Qarabağ”ın bu rəqiblə ev oyunlarının balansı: 4:+4=0-0, 13:4.
2022/23 – 3:0, 3:1; 2023/24 – 3:0, 4:3.
Cəzalı: yoxdu.
“Futbol+”in proqnozu: 40-40-20.
Hakimlər: FƏRİD HACIYEV, Kamran Bayramov, Teymur Teymurov, Tural Qurbanov.
VAR hakimi: Əliyar Ağayev.
VAR hakiminin köməkçisi: Akif Əmirəli.
Hakim-inspektor: Anar Salmanov.
AFFA nümayəndəsi: Bəhram Qurbanov.
Bakı, “Azərsun Arena”. Saat 18.15.

Araz-Naxçıvan – Neftçi 1:1
Ömər Buludov, 16 - Ramil Şeydayev, 90+5
“Araz-Naxçıvan”ın bu rəqiblə ev oyunlarının balansı: 4:+2=1-1, 2:7.
2000/01 – 0:7; 2001/02 – 0:0; 2023/24 – 1:0, 1:0.
Cəzalı: yoxdu.
“Futbol+”in proqnozu: 30-30-40.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Əkbər Əhmədov.
VAR hakimi: Cavid Cəlilov.
VAR hakiminin köməkçisi: Müslüm Əliyev.
Hakim-inspektor: İmanxan Sultani.
AFFA nümayəndəsi: Kifayət Mustafayeva.
Bakı, “Liv Bona Dea Arena”. Saat 20.30.

“Araz-Naxçıvan” ötən həftə “Zirə” ilə qarşılaşmalıydı. Lakin “qartallar”ın avrokuboklarda uğurlu çıxışına töhfə vermək istəyən komanda matçın təxirə salınmasıyla razılaşdı.

Əldə etdiyimiz məlumata görə, “qırmızı-ağlar” iki heyətə bölünməklə öz arasında oyun keçirib. Bunun “Neftçi”yə qarşı nə dərəcədə effektli olacağını bilmirik. O bəllidi ki, Muxtar Respublika təmsilçisi yüksək hədəflər uğrunda mübarizə aparır. Belədisə, prosesə “doğma divarlar” arasında “Neftçi”yə qalib gəlməklə davam etmək olar. Həm də Elmar Baxşıyev uğurlu nəticələr qazanmaqla özünü sübut etməlidi. Yəqin ki, klubun “pərdə arxasındakı” rəhbəri Zaur Axundovun məlum xəbərdarlığı hələ unudulmayıb. Onsuz da “Neftçi”nin durumu ürəkaçan deyil. “Ağ-qaralar” uğursuz nəticələrlə azarkeşlərini narazı salıb. Onlar təzyiqdən xilas olmaq üçün səfərdən əliboş dönməməlidi.

Bu komandalar indiyə qədər 8 dəfə qarşılaşıb. Bunların 2-də “Araz-Naxçıvan”, 4-də “Neftçi” qalib gəlib, 2 matç heç-heçə bitib. Top fərqində “ağ-qaralar” öndədi – 20:3.

1. Turan Tovuz 4 3 1 0 5-0 10
2. Qarabağ 3 2 0 1 7-2 6
3. Zirə 2 2 0 0 6-1 6
4. Sumqayıt 3 2 0 1 4-2 6
5. Səbail 4 1 1 2 7-7 4
6. Sabah 3 1 1 1 4-4 4
7. Araz-Naxçıvan 3 1 1 1 3-5 4
8. Neftçi 4 0 3 1 2-4 3
8. Şamaxı 2 0 1 1 2-3 1
10. Kəpəz 4 0 0 4 0-12 0[/u]

KƏNAN BAHADIR