“Omoniya” ev komandasıdı və evdə çox inamlı oynayır” - Elmar Baxşıyev
Bu axşam “Zirə” önəmli oyuna çıxacaq. “Qartallar” “Omoniya”səddini aşsa, tarixində ilk dəfə Konfrans Liqasının qrupuna düşəcək.
Bu isə səfərdəki nəticədən çox asılıdı. 2023-cü ilin yayında “Qəbələ”ni məyus edən “Omoniya”, hər halda, bizim üçün də qorxulu rəqibdi. Bəs “Zirə”nin Cənubi Kipr komandasını keçmək şansı nə qədərdi?
Ötən il “Qəbələ”ni Konfrans Liqasında meydana çıxaran Elmar Baxşıyev “Football-plus.az”a “Omoniya” haqda danışdı:
“Komandanın heyətlərinə baxanda gördüm ki, yenilənib. Yəni yenilənmiş "Omoniya" görəcəyik. Bizlə oynayan futbolçuların 60-70 faizi komandanı tərk edib. İndiki durumda necə olacağını axşamkı oyun göstərəcək. Onu deyim ki, ev komandasıdı və evdə çox inamlı oynayır. Azarkeş dəstəyi hiss edilən rəqibdi. Biz görəndə fərdi keyfiyyətləri üstün olan yaxşı futbolçuları vardı. Bilmirəm, həmin oyunçular qalıb, ya yox.Yenə də deyim ki, ev komandasıdı. “Zirə”nin futbolçuları bu təzyiqə tab gətirə bilsələr, yaxşı olacaq”.
RÖYANƏ OĞUZ
