Bu gün əvəzedicilər liqasında sonuncu, yəni 36-cı tura start veriləcək.

Sonuncu turun ilk oyun günündə üç qarşılaşma keçiriləcək. “Zirə” ilk “dördlüy”ə düşmək üçün “Səbail”i məğlub etməyə çalışacaq. “Qartallar” həmçinin qələbə qazanacaqları təqdirdə “Sumqayıt”ın “Qəbələ” ilə görüşdən məğlub ayrılmasını gözləyəcəklər. “Qəbələ” isə artıq gümüş medalları təmin etdiyinə görə “kimyaçılar” komandanın motivasiyasızlığından yararlanmağa çalışacaq, doğma meydanda 3 xal uğrunda mübarizə aparacaq. Çempion “Neftçi”nin bürünc medalların sahibi “Sabah”la qarşılaşmasının nəticəsi heç nəyi dəyişməyəcək.

Bazar ertəsi keçiriləcək növbəti iki görüşlə çempionatın cari mövsümü yekunlaşacaq. “Kəpəz” “doğma divarlar” arasında “Turan Tovuz”la qarşılaşacaq. Qərb derbisində Gəncə təmsilçisi qələbə qazanacağı halda “Səbail”i geridə qoya bilər. Autsayder “Araz-Naxçıvan” isə “Qarabağ”ın qonağı olacaq.

26 may
Zirə-2 – Səbail-2
Binə. Qəsəbə satdionu. Saat 16.00.
Sumqayıt-2 – Qəbələ-2
Sumqayıt. “Kapital Bank Arena”nın ehtiyat meydançası. Saat 16.00.
Neftçi-2 – Sabah-2
Bakı. “Neftçi Futbol Mərkəzi”nin dördüncü meydançası. Saat 17.00.
27 may
Turan Tovuz-2 – Kəpəz-2
Tovuz. Şəhər stadionu. Saat 16.00.
Araz-Naxçıvan-2 – Qarabağ-2
Binə. Qəsəbə stadionu. Saat 16.00.
Xal durumu: Neftçi-2 – 86, Qəbələ-2 – 82, Sabah-2 – 67, Sumqayıt-2 – 51, Zirə-2 – 49, Qarabağ-2 – 48, Səbail-2 – 36, Kəpəz-2 – 35, Turan Tovuz-2 – 27, Araz-Naxçıvan-2 – 21.
Bombardirlər: Ağadadaş Salyanski (Neftçi-2), Sənan Ağalarov (Qəbələ-2) – 28.
KAMAL SƏFƏR