“Qarabağ”ı az-çox tanıyırıq. Komandanın ötən mövsüm “Bayer-04”lə əzmkar çıxışlarını izləmişdik. Hər iki oyunu bir daha izləyib nəticələr çıxaracağıq. Azərbaycan komandasını çox diqqətli təhlil etməliyik. Təhlillərdən sonra oyun üslubu və kimin şanslı olduğu haqda daha rahat danışa bilərəm. Hələ ki güc nisbətini yarı-yarıya qiymətləndirirəm. Çempionlar Liqasının pley-offuna qədər gəliblərsə və bunu böyükhesablı qələbələrlə bacarıblarsa, deməli, rəqibə daha ciddi yanaşmalıyıq. İlk oyun evdə olacaq. Bu matçda sərfəli nəticə qazanmalıyıq. Azarkeşlərimiz əmin olsun ki, qalib gəlmək üçün hər şeyi edəcəyik. Çünki Çempionlar Liqasının əsas mərhələsində çıxış etmək istəyirik. İlk oyun daha çox kəşfiyyat xarakterli ola bilər. Lakin “Qarabağ” “Maksimir”dən mümkün olan ən yaxşı nəticəylə qayıtsa belə, birinci matçda heç nəyi həll edə bilməyəcək”.