Dünən əvəzedicilər liqasında 20-ci tura yekun vuruldu.

Turun ilk oyunu şənbə günü keçirildi. “Turan Tovuz” “doğma divarlar” arasında “Səbail”i darmadağın etdi. Srağagün isə növbəti iki görüş keçirildi. 7 qolun vurulduğu “Zirə” – “Sabah” matçında qonaqlar sevindi. “Qarabağ” – “Kəpəz” oyunu isə əsas komandaların əks hesabı ilə nəticələndi. Turun son iki matçı dünən baş tutdu. “Sumqayıt” səfərdə “Araz-Naxçıvan”ı 6 cavabsız qolla meydandan sildi. Lider “Neftçi” isə ən yaxın izləyicisi “Qəbələ”yə məğlub oldu.

27 yanvar
Turan Tovuz-2 – Səbail-2 5:1
İsmayıl İsmayılov, 5. Belajdi Pusi, 34. Asad Asadov, 41; 51; 59 – Məmməd Əhmədov, 27.
28 yanvar
Zirə-2 – Sabah-2 3:4
Elşən Abdullayev, 40. İdris İnqilablı, 45+2-öz qapısına. Vüsal Əliyev, 69 – Nicat Quliyev, 11. Emin Məcidzadə, 20. Xəyal Əliyev, 44. Firəddin Abdullayev, 71.
Qarabağ-2 – Kəpəz-2 1:2
Musa Musazadə, 12 – Cavad Kərimov, 55. Nemət Musayev, 90+2.
29 yanvar
Araz-Naxçıvan-2 – Sumqayıt-2 0:6
Qabil Əlizadə, 36; 45. Tural Axverdiyev, 55. Əjdər Hacılı, 70. Nadir Orucov, 84. Rüstəm Hümbətov, 88.
Neftçi-2 – Qəbələ-2 1:4
Turan Vəlizadə, 79-p. – Sənan Ağalarov, 21. Emil Süleymanov, 27; 41. Xəyyam Məmmədli, 77.
Xal durumu: Neftçi-2 – 49, Qəbələ-2 – 45, Sabah-2 – 40, Qarabağ-2 –30, Zirə-2 – 29, Sumqayıt-2 – 25, Səbail-2 – 21, Araz-Naxçıvan-2 – 19, Kəpəz-2 – 18, Turan Tovuz-2 – 13.
Bombardirlər: Sənan Ağalarov (Qəbələ-2) – 15, Ağadadaş Salyanski (Neftçi-2) – 14.