İngiltərə Peşəkar Futbolçular Assosiasiyası 2023/24 mövsümünün ən yaxşı gənc futbolçusu adına namizədlərin siyahısını açıqlayıb.

Qurumun saytının yaydığı xəbərə görə, nominantların siyahısına Alexandro Qarnaço, Kobbi Maynu (hər ikisi “Mançester Yunayted”), Maykl Olise (“Kristal Pelas”ın sabiq futbolçusu hazırda “Bavariya”da çıxış edir), Koul Palmer (Çelsi), Joao Pedro (Brayton) və Bukayo Saka (Arsenal) layiq bilinib.

Qalibin adı avqustun 20-də keçiriləcək təntənəli mərasimdə açıqlanacaq.