PSJ heyətini daha bir yeni futbolçu ilə gücləndirib. Paris klubu yarımmüdafiəçi Joao Neveşdən sonra müdafiəçi alıb.

“Football-plus.az” klubun mətbuat xidmətinin məlumatına görə, “Ayntraxt”da (Frankfurt) çıxış edən Vilyan Paço transfer edilib. Ekvadorlu müdafiəçi ilə müddəti 2029-cu ilin yayınadək nəzərdə tutulan müqavilə imzalanıb. 23 yaşlı futbolçunun Ekvador yığmasının üzvü olduğunu da bildirək.

Əlavə edək ki, PSJ Renato Sanşeşi növbəti dəfə icarəyə verib. Portuqaliyalı yarımmüdafiəçi karyerasını yenidən vətənində davam etdirəcək. O, yenidən “Benfika”ya qoşulub. Sanşeş növbəti mövsümü icarə əsasında Portuqaliya klubunda keçirəcək.

Renato “Benfika”nın yetirməsidi. O, 2015-16-cı illərdə bu klubun formasını geydikdən sonra “Bavariya”ya transfer olunub. Sanşeşin son mövsümü icarə əsasında “Roma”da keçirdiyini də bildirək.