“Kimliyimizi və nəyə qadir olduğumuzu sübut etməliyik” – “Osiyek”in futbolçusu
“Zirə” bu gün Konfrans Liqasının 3-cü təsnifat mərhələsinin ilk oyununda “Osiyek”in qonağı olacaq.
“Football-plus.az” xəbər verir ki, Xorvatiya təmsilçisinin futbolçusu Marko Soldo matç haqda danışıb. 20 yaşlı yarımmüdafiəçi “Zirə”ni məğlub edəcəklərinə inanır:
“Həmişə pozitiv düşünməyin tərəfdarıyam. Rəqibdən qorxmuruq. Kimliyimizi və nəyə qadir olduğumuzu sübut etməliyik. Meydana məhz bu məqsədlə çıxacağıq. “Zirə”ni mübarizədən kənarlaşdırmağın başqa yolu yoxdu. Həm evdə, həm də səfərdə çətin oyunlar keçirəcəyimizi bilirəm. Lakin hər iki matçda qələbə qazanmaq üçün əlimizdən gələni edəcəyik”.
Qeyd edək ki, oyun saat 22.00-da başlayacaq.
KƏNAN BAHADIR
Digər xəbərlər
