Sumqayıt – Kəpəz (Gəncə) 2:0 (1:0)

1. Mehdi Cənnətov – 6,0
6. Vüqar Mustafayev (k) – 5,5
14. Elvin Bədəlov – 6,0
10. Rəhim Sadıxov – 7,0
(41. Uğur Cahangirov, 82) – qiymətsiz
17. Murad Xaçayev – 5,0
8. Səbuhi Abdullazadə - 6,5
21. Nihad Əhmədzadə - 5,5
(3. Slaviça Radoviç, 61) – 6,0
19. Roy Kehat – 6,5
11. Fernando Medeyros – 5,5
(23. Cordan Rezabala, 61) – 6,0
9. Nikola Vuynoviç – 5,5
(24. Sənan Muradlı, 75) – 5,0
60. Tresor Mossi – 5,5
Ehtiyat oyunçular
36. Xəyal Fərzullayev
32. Murad Ağamalıyev
30. Kamran Quliyev
Baş məşqçi: Samir Abasov
Komandanın ən yaxşısı: Rəhim Sadıxov

1. Rojerio Santos – 5,5
2. İlkin Qırtımov – 5,5
7. Ehtiram Şahverdiyev – 5,5
(6. Nemət Musayev, 82) – qiymətsiz
99. Əli Səmədov – 5,5
8. Elmir Tağıyev – 5,5
(20. Mahir Həsənov, 75) – 5,0
17. Ümid Səmədov – 5,5
78. Yeqor Xvalko (k) – 6,0
28. Redon Mihana – 5,0
(15. Cavad Kərimov, 69) – 5,0
10. Karim Lkoça – 5,5
(70. Nicat Süleymanov, 75) – 5,0
19. Lassana Ndiaye – 5,5
77. Viktor Braqa – 5,0
(66. Arzu Atakişiyev, 75) – 5,0
Ehtiyat oyunçular
22. Məmməd Hüseynov
3. Vurğun Hüseynov
44. Nihat Fərəci
Baş məşqçi: Adil Şükürov
Komandanın ən yaxşısı: Yeqor Xvalko

Qollar: S.Abdullazadə, 14 (1:0, R.Kehat). R.Sadıxov, 72 (2:0, C.Rezabala).

Vərəqələr: Ü.Səmədov, 29 (qeyri-idman hərəkəti). E.Tağıyev, 53 (qeyri-idman hərəkəti). E.Bədəlov, 74 (qeyri-idman hərəkəti). N.Musayev, 86 (qeyri-idman hərəkəti). S.Abdullazadə, 90 (qeyri-idman hərəkəti) – sarı.

Hakimlər: KAMAL UMUDLU, Vüsal Məmmədov, Rəhman İmami, Rauf Allahverdiyev (hamısı Bakı).
VAR hakimi: Rauf Cabbarov (Bakı).
VAR hakiminin köməkçisi: Kamran Bayramov (Bakı).
Hakim-inspektor: Anar Salmanov (Bakı).
AFFA nümayəndəsi: Elçin Mehtiyev (Bakı).

Birinci hissəyə 1, ikinci hissəyə 3 dəqiqə əlavə olunub.
3 avqust. Sumqayıt. Mehdi Hüseynzadə adına şəhər stadionu. 1200 tamaşaçı (9500 yerlik).
Oyunun qiyməti: 6,0.

Konfrans Liqasının 2-ci təsnifat mərhələsində mübarizəni dayandıran “Sumqayıt” “Fehervar”ın yaşatdıqlarını unutmalı və ölkə çempionatına köklənməliydi. Hər halda, Samir Abasov məqsədi belə açıqlamışdı. Premyer-liqada qalmaq üçün yola çıxan “Kəpəz” isə lap ilk turdan hər xalı “qənimət” kimi qəbul etməliydi. Belədə komandalardan gərgin oyun gözləməyə dəyərdi. İlk dəqiqələrdən üstünlüyü ələ alan meydan sahibləri Rəhim üzündən ardıcıl iki qol imkanından yararlana bilmədi. Yarımmüdafiəçi birincidə ayaqla qeyri-dəqiq zərbə müəllifi oldusa, ikincidə Santos baxımlı seyvlə yadda qaldı. Bir qədər sonra Mihana bəxtini sınadı və top qapıdan yan keçdi. Matçda temp yetərincə yüksək idi, xüsusilə "Sumqayıt"ın güclü təzyiqi hesabın erkən açılacağını “deyirdi”. Belə də oldu. 14-cü dəqiqədə Medeyrosun sol cinaha ötürməsini qəbul edən Kehat topu Səbuhiyə çatdırdı. Gənc yarımmüdafiəçi bir neçə rəqib futbolçunun əhatəsində olmasına baxmayaraq, toru silkələyə bildi.

Bir qədər sonra Santos Rəhimin növbəti zərbəsini zərərsizləşdirdi. Hadisələrin axarı "Kəpəz"in "Sumqayıt"ın təzyiqinə tab gətirmədiyini göstərsə də, gəncəlilər təslim olmamağa, atmosferə uyğunlaşmağa çalışırdı. İşi çətinləşdirən məsələ ötürmələrin qeyri-dəqiqliyi idi ki, futbolçuların anlaşa bilməməsi fürsət qazanmağa mane olurdu. Yenə də "sarı-göylər" müəyyən təhlükəli vəziyyətlərlə yadda qaldı. 36-cı dəqiqədə Ümid uzun ötürməylə topu müdafiə xəttinin arxasına göndərdi. Burda Lkoça Ndiaye üçün yaxşı şans yaratsa da, Mehdi malili hücumçunun öhdəsindən gəldi. Hesabı bərabərləşdirmək istəyən "Kəpəz"in növbəti cəhdini Ehtiram puç etdi. Onun uzaqdan zərbəsi qapıdan aralı keçdi.

İkinci hissə də meydan sahiblərinin təzyiqiylə başladı. Onlar 46-cı dəqiqədə yüzfaizlik qol imkanını əldən verdi. Daha doğrusu, Kehat topu qapının qorunmayan hissəsinə göndərə bilmədi. Ümumiyyətlə, meydanda gərgin mübarizənin getdiyini demək mümkündü. "Kəpəz"in məğlubiyyətlə barışmamaq, "kimyaçılar"ın fərqi artırmaq istəyi şübhə doğurmurdu. Meydan sahibləri 65-ci dəqiqəqə hesabı 2:0 edə bilərdi. Lakin Səbuhinin Rəhimin qapı önünə ötürməsinə çata bilməməsi topun meydanı tərk etməsiylə nəticələndi. Elə həmin Rəhim 72-ci dəqiqədə oyunun taleyini həll edən qolu vurdu. Onun zərbəsindən sonra Xvalkoya dəyən top qapıçını da çaşdırıb tora daxil oldu. Bundan sonra tərəflərin səyinə rəğmən, hesab dəyişmədi. “Sumqayıt” inamlı qələbə qazandı, “Kəpəz” isə mövsümə məğlubiyyətlə başladı.

Gözdən qaçmadı
* Matçın başlamasına 30 dəqiqə qlamış həm kassalarda, həm də əldə bilet satışı həyata keçirilirdi. Əlində bilet olan şəxslər stadiona gələnləri qarşılayıb ucuz bilet təklif edirdi.
* “Xəmsə” və “Kimyaçılar” fanklubları tribunalarda idi. Gəncəli azarkeşlər oyunun sonunda rəqibi təhqir etdi.
* Samir Abasovla Adil Şükürov oyun bitəndən sonra görüşmədi.

KƏNAN BAHADIR