Neftçi (Bakı) – Turan Tovuz 0:0
93. Rza Cəfərov – 6,0
10. Filip Ozobiç – 5,0
(13. Emil Səfərov, 79) – qiymətsiz
8. Emin Mahmudov (k) – 4,5
(77. Yeqor Boqomolski, 83) – qiymətsiz
3. Höccət Haqverdi – 4,5
90. Ramil Şeydayev – 4,5
14. Edvin Kuç – 4,5
4. Mark Tamaş – 5,0
44. Yuri Matias – 4,5
9. Andre Şinyaşiki – 4,5
(11. Kilan Lebon, 46) – 5,0
99. Ervin Koffi – 5,0
88. Andrey Ştoqrin – 4,5
(17. Rəhman Hacıyev, 79) – qiymətsiz
Ehtiyat oyunçular
1. Emil Balayev
95. Rəvan Kazımov
2. Qara Qarayev
19. Azər Salahlı
7. Azər Əliyev
47. Murad Məmmədov
23. Robert Bauer
20. Alfa Konte
Baş məşqçi: Roman Qriqorçuk
Komandanın ən yaxşısı: Rza Cəfərov

1. İvan Konovalov – 5,5
4. Şəhriyar Əliyev (k) – 5,0
10. Xəyal Nəcəfov – 5,0
(77. Veysəl Rzayev, 82) – qiymətsiz
8. Tural Bayramlı – 4,5
(11. Ayxan Quseynov, 63) – 4,5
88. Faiq Hacıyev – 5,0
44. Rüfət Əhmədov – 4,5
(33. Eltun Turabov, 90) – 4,5
9. Kristian da Silva – 5,0
23. Alexandro Serrano – 5,0
15. Emmanuel Hakman – 4,5
25. Denis Marandiçi – 4,5
80. Otto Con – 4,5
Ehtiyat oyunçular
41. Sergey Samok
71. Mehman Hacıyev
39. Sadiq Quliyev
99. Sadiq Şəfiyev
70. Məzahir Məmmədzadə
3. Raul Məmmədov
20. İbrahim Ramazanov
Baş məşqçi: Kurban Berdıyev
Komandanın ən yaxşısı: İvan Konovalov

Vərəqələr: Y.Matias, 9 (qeyri-idman hərəkəti). Ş.Əliyev, 42 (qeyri-idman hərəkəti). F.Hacıyev, 57 (qeyri-idman hərəkəti) – sarı.
Hakimlər: ƏLİYAR AĞAYEV, Zeynal Zeynalov, Akif Əmirəli, Kamranbəy Rəhimov (hamısı Bakı).
VAR hakimi: Cavid Cəlilov (Bakı).
VAR hakiminin köməkçisi: Müslüm Əliyev (Bakı).
Hakim-inspektor: Babək Quliyev (Bakı).
AFFA nümayəndəsi: Elgiz Abbasov (Masallı).
Birinci hissəyə 2, ikinci hissəyə 5 dəqiqə əlavə olunub.
3 avqust. Bakı. “Neftçi Arena” stadionu. 4500 tamaşaçı (10260 yerlik).

Həm “Neftçi”də, həm də “Turan Tovuz”da baş məşqçi dəyişikliyi, xüsusən də bu çalışdırıcıların personası oyuna marağı ikiqat artırmışdı. Əlbəttə, söhbət Roman Qriqorçukla Kurban Berdıyevin duelindən gedir. Qriqorçuku “Qəbələ”dən tanıyırdıqsa, Berdıyevin də “Rubin”də nələr etdiyindən xəbərdarıq.
Oyuna “ağ-qaralar” daha fəal başladı. Artıq 6-cı dəqiqədə Ozobiçin cərimə zərbəsindən sonra qapı önündəki qarşıqlıqdan sözün hər iki mənasında baş çıxaran Tamaş “çərçivə”ni hədəfə alsa da, Konovalov səhvə yol vermədi. Bir qədər sonra Şeydayevin Hakmanı keçəndən sonra yerlə verdyi ötürmə təhlükəli alındı. 15-ci dəqiqədə Ozobiçin zərbəsinin qarşısını Hacıyev kəsdi. Meydan sahiblərinin hücumda daha fəal olmasına baxmayaraq, tovuzlular da təhlükəli əks-hücumlar qururdu. Qonaqlar 19-cu dəqiqədə ilk dəfə “Neftçi”nin qapısını yoxladı. Lakin Kristianın cərimə meydançasının kənarından zərbəsi Rza üçün çətinlik yaratmadı. 34-cü dəqiqədə sanki dejavü yaşandı. Ştoqrinin usta top qəbulundan keçidindən sonra ötürməsini yenə Ozobiç “çərçivə”yə göndərdi. Bu dəfə zərbə bloklanmasa da, Konovalov çıxışda səhvə yol vermədi.

51-ci dəqiqədə Kristianın standart vəziyyətdən sonra birbaşa qapıya yönəltdiyi zərbə təhlükəli olsa da, Rza onu dəf etdi. Cəmi 1 dəqiqə sonra Marandiçinin diziylə etdiyi vuruş tirə dəyib auta çıxdı. Fəallığı artıran qonaqlar irəliləyən dəqiqələrdə daha bir neçə qol vəziyyəti yaratdı. 64-cü dəqiqədə Nəcəfovun qapı önünə ötürməsini Ayxan başla “çərçivə”yə göndərsə də, Rza iki cəhddə topu tutdu. İkinci yarının böyük bölümündə durğunluq yaşayan Qriqorçukun komandası rəqibin təhlükəli əks-hücumlarının qarşısını almaqda çətinlik çəkirdi. 86-cı dəqiqədə Veysəl pressinq edərək Kuçdan aldığı topu qüvvətli zərbəylə qapıya göndərdi. Lakin bu dəfə də gənc qapıçı səhvə yol vermədi. Əvəzetmələrlə durğunluqdan çıxan “ağ-qaralar” Koffinin sayəsində tovuzluları silkələdi. Konovalov gözəl seyvlə yadda qaldı. Beləliklə, iki təcrübəli çalışdırıcının duelində qalib müəyyənləşmədi. Ancaq səfər oyunundan evə 1 xalla qayıdan tovuzlular narazı qalmadı.

Gözdən qaçmadı
* Həm “Forza Neftçi”, həm “Neftçimania” tribunada idi. “Neftçimania” 5-10 nəfərdən ibarət idi.
* “Ultras Turan” fanklubu “Nadir Nəbiyev Legend of Turan” pankartı açmışdı.
* Qazonun durumu bərbad idi.

KAMAL SƏFƏR