“Oyunu stadiondan izləmək xoş oldu. "Neftçi" haqda heç nə deyə bilmirəm... Amma "Turan Tovuz"da yeni dəst-xətt gördüm. Daha canlı, daha hərəkətli “Turan” gördüm. Hesab edirəm ki, 2-3 tur sonra bu, daha qabarıq görünəcək. "Neftçi" kimi komanda bir dəfə də epizod yaratmadı. "Turan Tovuz" müdafiədə keçilməz sədd yaratmışdı. Hücumçular müəyyən səbəblərdən oynaya bilmədi. Məsələn, Aleks Souzanın yeri çox bilinirdi. Zədəsi olmasaydı, tam fərqli futbol görərdik. Düşünürəm ki, “Turan Tovuz" 1 xal qazanmadı, 2 xal itirdi. Bir neçə epizod oldu ki, vurmamaq vurmaqdan daha çətin idi. Təsadüf də, bəxt də tovuzluların tərəfində olmadı. Oyun ümumilikdə yaxşı alındı. Peşəkar məşqçi əli dərhal göründü”.