Araz-Naxçıvan  - Qarabağ (Ağdam) 1:4 (0:2)

94. Tərlan Əhmədli - 4,5
34. Urfan Abbasov (k) - 5,0
(6. Vadim Abdullayev, 54) - 4,5
3. Bəxtiyar Həsənalızadə - 5,0
26. Ömər Buludov - 4,5
(11. Bayraməli Qurbanov, 71) - 4,5
16. Ramon Maçado - 4,5
29. Vanderson Melo - 4,5
8. Karlos Jatoba - 5,0
14. Miço Kuzmanoviç - 4,5
(7. Ülvi İsgəndərov, 71) - 5,5
4. İqor Ribeyro - 4,5
97. Felipe Santos - 4,5
10. Bernardo Dias - 4,5
(23. Nuno Rodriges, 54) - 6,0
Ehtiyat oyunçular
12. Kristian Avram
1. Vüsal Şabanov
22. Elçin Mustafayev
20. Turan Vəlizadə
88. Tuqay Əlizadə
Baş məşqçi: Elmar Baxşıyev
Komandanın ən yaxşısı: Nuno Rodriges

1. Şahrudin Məhəmmədəliyev - 4,5
20. Riçard Almeyda - 5,0
(15. Leandro Andrade, 46) - 5,0
55. Bədavi Hüseynov (k) - 5,0
30. Abbas Hüseynov - 6,5
24. Aleksey İsayev - 5,5
44. Elvin Cəfərquliyev - 4,5
90. Nəriman Axundzadə - 4,5
(27. Toral Bayramov, 81) - qiymətsiz
66. Patrik Andrade - 5,0
(8. Marko Yankoviç, 70) - 4,5
17. Hamidu Keyta - 6,0
(7. Yassin Benzia, 70) - 5,5
2. Mateus Silva - 5,0
19. Redon Cica - 6,0
(18. Olavio Juninyo, 70) - 4,5
Ehtiyat oyunçular
97. Fabian Buntiç
12. Sadiq Məmmədzadə
13. Bəhlul Mustafazadə
29. Marko Veşoviç
10. Abdulla Zubir
81. Kevin Medina
6. Julio Romao
Baş məşqçi: Qurban Qurbanov
Komandanın ən yaxşısı: Abbas Hüseynov

Qollar: R.Cica, 7 (0:1). R.Almeyda, 9 (0:2, E.Cəfərquliyev). H.Keyta, 47 (0:3). N.Rodriges, 86 (1:3, Ü.İsgəndərov). A.Hüseynov, 88 (1:4, Y.Benzya).

Vərəqələr: E.Cəfərquliyev, 51 (qeyri-idman hərəkəti). N.Rodriges, 74 (qeyri-idman hərəkəti) - sarı. E.Cəfərquliyev, 78 (qeyri-idman hərəkəti) – qırmızı (2-ci sarı).

Hakimlər: ELÇİN MƏSİYEV, Elşad Abdullayev, Pərvin Talıbov, Kamran Əliyev (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Eyyub İbrahimov (Bakı).
Hakim-inspektor: Ömər Paşayev (Bakı).
AFFA nümayəndəsi: Erkin Hüseynov (Bakı).

2 avqust. Bakı. “Liv Bona Dea Arena” stadionu. 600 tamaşaçı (6500 yerlik).
Birinci hissəyə 1, ikinci hissəyə 2 dəqiqə əlavə olunub.
Oyunun qiyməti: 6,0.

Yeni mövsümün ilk oyununda çempion “Qarabağ”la “Araz-Naxçıvan” üz-üzə gəldi. “Ludoqorets”lə oyuna hazırlaşan ağdamlılar meydana faktiki ikinci heyətlə çıxmışdı. Bununla belə, naxçıvanlılar yenə darmadağın oldu.

Oyuna son çempion daha fəal başladı. Bu fəallıq hakimin start fitindən cəmi 7 dəqiqə sonra özünü göstərdi. Cicanın təzyiqi sayəsində Tərlanın kobud səhvə yola verməsi hesabın açılmasına səbəb oldu - 0:1. Nominal meydan sahibləri toparlanmamış daha bir qol buraxdılar. Cəfərquliyevin ötürməsindən sonra Almeydanın zərbəsi Ribeyroya toxunub istiqamətini dəyişərək tora daxil oldu - 0:2. Sonrakı dəqiqələrdə Elvinin, Almeydanın, Alekseyin ifasında təhlükəli vəziyyətlərə şahidlik etdik.

Fasilədən dərhal sonra hesab arasındakı fərq darmadağın həddinə çatdı. Keyta sol cinahla təkbaşına irəliləyib, rəqibin 3 futbolçusundan sıyrılaraq baxımlı qola imza atdı - 0:3. Sanki meydanda bir komanda var idi. “Araz-Naxçıvan”ın təşkil etdiyi hücumların ya davamı gəlmir, ya da Şahruddin təhlükənin böyüməsinə imkan vermirdi. 64-cü dəqiqədə “qırmızı-ağlar” oyunda ilk real qol vəziyyətini yaratdı. Ancaq qapıçıyla üzbəüz qalan Felipe hədəfə düşə bilmədi. Bir qədər sonra Ağdam təmsilçisi daha bir təhlükəli vəziyyət yaratdı. Elvinin zərbəsi qapıçını keçsə də, qapı xətti üzərində yerdə qalan Urfandan geri qayıtdı. 78-ci dəqiqədə Cəfərquliyev Nunoya qarşı kobudluq edərək “qırmızı”yla komandasını azlıqda qoydu. Bundan sonra Muxtar Respublika təmsilçisi təzyiqi artırdı. 86-cı dəqiqədə Nuno cərimə meydançasının kənarından vurduğu zərbəylə komandasını ümidləndirdi. Bu qolda Şahruddinin cinaha ötürmə zamanı səhvə yol verməsi də böyük rol oynadı. Amma meydan sahiblərinin sevinci çox çəkmədi. Cəmi 2 dəqiqə sonra Benzyanın künc zərbəsindən asmasını Abbas başla tamamıladı - 1:4. Beləliklə, yeni mövsümə darmadağınla başladı.

Gözdən qaçmadı
* “Sektor-85”in banneri yox idi
* “Qarabağ”a “İmarət Tayfa”, “Qarabağ Ordu” azarkeş qruplarıyla yanaşı, “Xarıbülbül” də dəstək verirdi.
* Oyunu izləyənlər arasında Sərxan Hacıyev, Balaş Qasımov, Rəşad Sadıqov da var idi.

KAMAL SƏFƏR