Dünən keçirilən “Araz-Naxçıvan” – “Qarabağ” matçıyla Misli premyer-liqasının yeni mövsümünə qədəm qoyduq.

Bu gün və sabah daha 4 oyun keçiriləcək. Oyunları “CBC Sport” canlı yayınlayacaq.

Misli premyer-liqası
1-ci dövrə, 1-ci tur
4 avqust
Sabah – Şamaxı 2:2
Namiq Ələskərov, 16. Xəyal Əliyev, 37 - Rüfət Abbasov, 44. Belajdi Pusi, 53.
“Sabah”ın bu rəqiblə ev oyunlarının balansı: 9:+3=3-3, 12:10.
2018/19 – 1:2, 1:1; 2019/20 – 0:1; 2020/21 – 0:2, 1:1; 2021/22 – 2:1, 5:1; 2022/23 – 1:1, 1:0.
Cəzalılar: Con İrasabal, Abdulla Xaybulayev, Kahim Parris (hamısı “Sabah).
“Futbol+”in proqnozu: 30-40-30.
Hakimlər: İNQİLAB MƏMMƏDOV, Namiq Hüseynov, Rahil Ramazanov, Fərid Hacıyev.
VAR hakimi: Tural Qurbanov.
VAR hakiminin köməkçisi: Elşad Abdullayev.
Hakim-inspektor: Vüsal Əliyev.
AFFA nümayəndəsi: Seymur Səlimli.
Bakı, “Bank Respublika Arena”. Saat 17.30.

“Sabah” Konfrans Liqasının 3-cü təsnifat mərhələsinə vəsiqə qazanmaqla tarixi uğura imza atdı. Bu amil futbolçuların psixoloji durumuna yaxşı təsir etdisə, 120 dəqiqəlik oyun hər birini gücdən saldı. Əbəs deyil ki, baş məşqçi Krunoslav Renduliç zarafatla olsa da, meydana kimi çıxaracağını bilmədiyini deyir. Yenə də “bayquşlar” zəngin heyətiylə fərqlənir. Bu üzdən Masazır təmsilçisinin heyəti yeni qurulan rəqibə qarşı ciddi çətinliklə üzləşəcəyini deyə bilmərik. Axı komanda həm də bir neçə transferlə güclənib. “Şamaxı”nın durumu isə naməlumdu. Ona görə ki, “şirlər”in nəyə qadir olduğunu bilmirik. Ayxan Abbasovla yola davam edən bölgə klubu premyer-liqada möhkəmlənmək niyyətindədi. Bəli, çox güman, çempionluq uğrunda mübarizə aparacaq “Sabah”a qarşı çətin sınaq var. Lakin çalışdırıcısının və heyətə cəlb olunan futbolçuların təcrübəsinə arxalanan “Şamaxı” uğura ümid edə bilər.

Bu oyun əslində Şamaxıda keçirilməliydi. Lakin 18-ci turun oyunuyla yeri dəyişdirilib. Daha doğrusu, “bayquşlar” bununla bağlı PFL-ə rəsmi müraciət ünvanlayıbsa, bölgə klubunun da razılığı alınıb. Bəllidi ki, bu, masazırlıların Konfrans Liqasında 3-cü təsnifat mərhələsinə daha yaxşı hazırlaşması məqsədilə edilib.
Qeyd edək ki, bu komandalar indiyə qədər 18 dəfə qarşılaşıb. “Sabah” və “Şamaxı” hərəyə 6 oyunda qalib gəlib, 6 matçda “sülh” qeydə alınıb. Topların nisbətində “bayquşlar” öndədi – 19:18.

Zirə – Səbail 4:1
Davit Volkov, 12; 27; 45+1. İssa Cibrilla, 90+4 - Ayman Buali, 50.
“Zirə”nin bu rəqiblə ev oyunlarının balansı: 13:+8=4-1, 22:10.
2017/18 – 2:1, 1:1; 2018/19 – 0:0, 1:2; 2019/20 – 4:1; 2020/21 – 0:0, 2:0; 2021/22 – 3:1, 2:1; 2022/23 – 1:0, 3:1; 2023/24 – 2:2, 1:0.
Cəzalılar: Junior Martins (Zirə), Valdemar Almeyda (Səbail).
“Futbol+”in proqnozu: 40-30-30.
Hakimlər: RƏVAN HƏMZƏZADƏ, Cəmil Quliyev, Şirmamed Mamedov, Əli Əliyev.
VAR hakimi: Nicat İsmayıllı.
VAR hakiminin köməkçisi: Vüsal Məmmədov.
Hakim-inspektor: Asim Xudiyev.
AFFA nümayəndəsi: Eldəniz Musayev.
Zirə, İdman Kompleksinin stadionu. Saat 20.00.

“Zirə” Konfrans Liqasının 3-cü təsnifat mərhələsinə vəsiqə qazandı. “DAK 1904”ü səfərdə mübarizədən kənarlaşdıran komanda yorğundu. “Qartallar”ın real gücünə bələdik. Baş məşqçi Rəşad Sadıqov “sükan”ı belə saxlasa, yeni mövsümdə də uğurlu nəticələr əldə edəcək. Heyətlə bağlı ciddi problem yoxdu. Qəsəbə təmsilçisinin “yay bazarlığı” qaneedicidi. Görünür, heç mütəxəssis özü də konkret dəyişikliyə ehtiyac duymur. Azı ötən “futbol ili”ndə qazandığı nəticələrə görə qəsəbə təmsilçisinin favoritlər sırasında olacağını güman edə bilərik. Axı həm də rəqib “Səbail”di. Bayıl təmsilçisi mövsümlərarası fasilədə əsas üzvlərini yola saldı. Büdcə azaldıldı, heyət yeniləndi. Belədə komandanın nəyə qadir olduğunu anlamaq üçün vaxt lazımdı. Baş məşqçi Şahin Diniyevin təcrübəsi və futbolçu seçimləri özünü doğrultsa, daha maraqlı oyun izləyə bilərik.

Ümumiyyətlə, bu komandalar indiyə qədər 27 matçda qarşılaşıb. Bunların 17-də “Zirə”, 4-də “Səbail” qalib gəlib, 6 matçda hərəyə 1 xal düşüb. Topların nisbətində “qartallar” öndədi – 38:18.

3 avqust
Neftçi – Turan Tovuz 0:0
“Neftçi”nin bu rəqiblə ev oyunlarının balansı: 4:+3=1-0, 10:2.
2022/23 – 0:0, 4:0; 2023/24 – 3:2, 3:0.
Cəzalı: Roderik Miller (Turan Tovuz).
“Futbol+”in proqnozu: 40-30-30.
Hakimlər: ƏLİYAR AĞAYEV, Zeynal Zeynalov, Akif Əmirəli, Kamranbəy Rəhimov.
VAR hakimi: Cavid Cəlilov.
VAR hakiminin köməkçisi: Müslüm Əliyev.
Hakim-inspektor: Babək Quliyev.
AFFA nümayəndəsi: Elgiz Abbasov.
Bakı, “Neftçi Arena”. Saat 18.30.

Sumqayıt – Kəpəz 2:0
S.Abdullazadə, 14. R.Sadıxov, 71.
“Sumqayıt”ın bu rəqiblə ev oyunlarının balansı: 14:+8=3-3, 24:16.
2011/12 – 4:1, 2:0; 2012/13 – 2:1, 1:0; 2015/16 – 2:2, 2:3; 2016/17 – 1:1, 3:1; 2017/18 – 2:1, 2:1; 2022/23 – 0:0, 1:2; 2023/24 – 1:0, 1:3.
Cəzalı: yoxdu.
“Futbol+”in proqnozu: 40-30-30.
Hakimlər: KAMAL UMUDLU, Vüsal Məmmədov, Rəhman İmami, Rauf Allahverdiyev.
VAR hakimi: Rauf Cabarov.
VAR hakiminin köməkçisi: Kamran Bayramov.
Hakim-inspektor: Anar Salmanov.
AFFA nümayəndəsi: Elçin Mehtiyev.
Sumqayıt, Mehdi Hüseynzadə adına şəhər stadionu. Saat 20.45.
.

KƏNAN BAHADIR