Çempionlar liqasının 2-ci təsnifat mərhələsi çərçivəsində keçiriləcək “Qarabağ” - “Linkoln” oyununun hakimlər briqadası dəyişib.

“Football-plus.az” xəbər verir ki, öncədən bu qarşılaşmanı ukraynalı hakimlər briqadasının idarə edəcəyi deyilsə də, UEFA daha sonra təyinatda dəyişiklik edib. Belə ki, iyulun 30-da Tofiq Bəhramov adına Respublika stadionunda keçiriləcək görüşə Danimarkadan olan ədalət təmsilçiləri təyinat alıb.

“Linkoln”la Bakıdakı qarşılaşmanı Yakob Sundberq idarə edəcək. Deniz Yurdakul və Viktor Skitte baş hakimin köməkçiləri olacaq. Yakob Karlsen 4-cü hakim funksiyasını yerinə yetirəcək. Oyunun idarəçiliyinin ukraynalılardan alıb danimarkalılara etibar olunması maraq doğurdu.

Görəsən, UEFA bu barədə Ağdam təmsilçisinə detallı məlumat veribmi?

Məsələ ilə bağlı “köhlən atlar”ın mətbuat xidmətinin rəhbəri Anar Hacıyevlə əlaqə saxladıq: