Avropa çempionatının finalını izləmək üçün xanımı və qızı ilə Berlinə yollanan Ermənistanın baş naziri Nikol Paşinyan fürsətdən istifadə edərək UEFA-nın prezidenti Aleksander Çeferinlə görüşüb.

Xəbərin bura qədər olan hissəsi ilə bağlı problem yoxdu. Təbii ki, hər bir dövlətin rəhbəri istənilən şəxslə görüşə bilər. İşin maraqlı tərəfi ondan ibarətdi ki, Paşinyan Çeferinə Ermənistanla Gürcüstanın futbol qurumlarıını 2029-cu ildə keçiriləcək gənclər arasında dünya çempionatını birgə təşkil etməklə bağlı FİFA-ya müraciət edəcəklərini bildirib. Baş nazir iki ölkənin birgə ərizəsinin bəyəniləcəyini inandığını və UEFA-dan bu məsələdə dəstək gözlədiyini deyib. Çeferin də öz növbəsində bu ideyanı dəstəklətib və rəhbərlik etdiyi qurumun rəsmi şəkildə dəstək verəcəyini bildirib.

Gürcüstanın elə ötən il Rumıniya ilə birgə gənclər arasında Avropa çempionatının final mərhələsinə evsahibliyi etdiyini nəzərə alsaq, qısa müddətdə yenidən eyni həvəsə düşməsi maraqlı məqamdı. Yenə də gürcüləri anlamaq olar: son Avropa çempionatının final mərhələsinə qatılıblar, hətta qrupdan da çıxıblar. Ancaq indi qitə futbolunda izi-tozu olmayan Ermənistan hansı infrastruktur və potensial ilə belə həvəsə düşür – bunu anlamaq çətindi.

ORXAN