Amerika Kubokunda 3-cü yer uğrunda görüş baş tutdu.

Şarlott şəhərində yerləşən ''Bank of Amerika'' stadionunda Kanada ilə Uruqvay üz-üzə gəldi. Matçın qəhrəmanı gözlənilmədən Luis Suares oldu. 37 yaşlı veteran forvard fasilədə Darvin Nunyesin əvəzinə meydana çıxdı. Kanada 90-cı dəqiqəyə 2:1 öndə daxil olsa da, Suares əlavə olunmuş 2-ci dəqiqədə fərqlənməklə komandasını məğlubiyyətdən xilas etdi. Uruqvayın 4:3 qalib gəldiyi penaltilər seriyasında da komandasının son zərbəsini məhz bu futbolçu dəqiq yerinə yetirdi. Kanadada isə ''Bavariya''lı Alfonso Devisin qaçırdığı penalti həlledici oldu. Bununla da Uruqvay 13 ildən sonra ilk dəfə bu turnirdə medal qazanmağı bacardı. 2011-də komanda bu turnirin qalibi olmuşdu.

Uruqvay tarixinin ən məhsuldar oyunçusu statusunda olan Suares yığmada 142-ci oyunda 69-cu qolunu vurdu. Maraqlıdı ki, o son qolunu 30 ay öncə - 2022-nin martında Çili ilə oyunda vurmuşdu.

ƏLİ