“Zirə” və “Sumqayıt”ın avrokuboklar çərçivəsində keçirəcəyi ev oyunlarına öz töhfəmizi verəcəyik. Həmin matçlar üzrə reklam yerlərinin satışı, akkreditasiyaların dizayn edilməsi, hazırlanması və paylanılması, ümumiyyətlə, media ilə işin tənzimlənməsi, azarkeşlərin stadion ərazisinə giriş-çıxışının təşkili kimi məsələlər bizə həvalə edilib. Həmçinin Mehdi Hüseynzadə adına Sumqayıt şəhər stadionunun media tribunasında dəyişikliklər edəcəyik. Media otağında da yeniliklər olacaq. Jurnalistlər bunu mətbuat konfranslarında görəcək. Stadionun paltardəyişmə otaqlarıyla bağlı planlar da var. Daha yaxşı şərait yaratmağa çalışırıq”.

“Bu iki klub üçün sponsorlar tapmağa çalışacağıq. Hazırda bir neçə şirkətlə danışıq aparırıq. Hansısa pis sürpriz olmasa, anlaşma əldə ediləcək. Bunun sayəsində klubların əlavə maliyyə ayırdığı məsələlər sponsorların hesabına ödəniləcək. Belədə həm “Kəpəz”, həm də “Şamaxı” başqa xərclərdən xilas olacaq. Yeri gəlmişkən, Gənclər və İdman Nazirliyi üçün də bir neçə layihə təqdim etmişik. İşlərin qızğın mərhələsindəyik. Ümid edirik ki, daha böyük uğurlar qazanacağıq”.