“Almaniya ilə oyun bizdən çox güc aldı. Amma buna dəyərdi. Bizi çempionluqdan cəmi iki qələbə ayırır. Hər birimiz böyük sevinc içindəyik. Niko Uilyamsla aramızda dərhal gözəl anlaşma yarandı. Çünki xaraktercə oxşarıq. Meydandan kənarda ikimiz də? demək olar, futbol barədə danışmırıq. O da, mən də heç bir problemi özümüzə dərd etmirik. Heç nəyə görə narahatlıq keçirmirik. Oyun vaxtı ona deyirəm ki, zövq aldığı şeylər etsin. Çünki ulduz futbolçuların meydanda özlərini rahat hiss etməsi önəmli amildi. Mbappe ilə 2016-cı ildə U-19-ların heyətində üz-üzə gəlmişdik. Aradan 8 il ötsə də, heç vaxt yolumuz kəsişməyib. Bu, çox maraqlı məqamdı. Nəhayət, yüksək səviyyədə ilk dəfə ona qarşı oynayacam. Mbappe ilk baxışdan komandasının çoxgedişli hücumlarında yaxından iştirak etmir. Amma Fransa üçün çox dəyərli futbolçudu. Asan olmayacaq. Amma biz komanda şəklində güclüyük. Bir-birimizə dəstək versək və meydanda hər kəs komanda yoldaşına görə can qoymağa hazır olsa, Fransanı məğlub edə bilərik. Puyola bənzədilməyim haqda nə düşünürəm? Karles əsl əfsanədi. İkimiz də hər matçda meydanda bütün gücümüzü qoyuruq. O, öz güclü və zəif cəhətlərini gözəl bilirdi. Komanda onun üçün həmişə hər şeydən öndə gəlirdi. Bu, həm də mənim başlıca keyfiyyətlərimdən biridi. Onunla müqayisə olunmaq mənim üçün fəxrdi. Çünki Puyol adını tarixə yazdırmış dahi futbolçudu. Ümid edirəm ki, mənim də karyeram onunku kimi uğurlu alınacaq”.