B qrupu
N 18. İspaniya – İtaliya 1:0 (0:0)
23. Unay Simon
24. Mark Kukurelya
14. Emerik Lyaport
3. Robin Le Norman
2. Daniel Karvaxal
16. Rodriqo Ernandes
8. Fabian Ruis
(6. Mikel Merino, 90+4)
20. Pedri
(15. Aleks Baena, 71)
17. Niko Uilyams
(26. Ayose Peres, 78)
19. Lamin Yamal
(11. Ferran Torres, 71)
7. Alvaro Morata (k)
(21. Mikel Oyarsabal, 78)
Ehtiyat oyunçular
1. David Raya
13. Aleks Remiro
4. Naço Fernandes
5. Dani Vivian
9. Xoselu
10. Dani Olmo
12. Alexandro Qrimaldo
18. Martin Subimendi
22. Xesus Navas
25. Fermin Lopes
Baş məşqçi: Luis de la Fuente

1. Canluici Donnarumma (k)
3. Federiko Dimarko
5. Rikkardo Kalafyori
23. Alessandro Bastoni
2. Covanni Di Lorentso
8. Jorjinyo
(16. Brayan Kristante, 46)
18. Nikolo Barella
14. Federiko Kyeza
(20. Mattia Zakkanyi, 64)
10. Lorentso Pelleqrini
(11. Cakomo Raspadori, 82)
7. Davide Frattezi
(24. Andrea Kambyaso, 46)
9. Canluka Skamakka
(19. Mateo Retegi, 64)
Ehtiyat oyunçular
12. Qulyelmo Vikario
26. Aleks Meret
4. Alessandro Buoncorno
6. Federiko Qatti
13. Matteo Darmian
15. Raul Bellanova
17. Canluka Mançini
21. Nikolo Facoli
22. Stefan Əl-Şaaravi
25. Maykl Folorunşo
Baş məşqçi: Luçano Spalletti
Qol: R.Kalafyori, 55-öz qapısına.
Vərəqələr: C. Donnarumma, 15. R.Ernandes, 45+1. B.Kristante, 46. R.Le Norman, 69. D.Karvaxal, 90+6 - sarı.
Hakimlər: SLAVKO VİNÇİÇ, Tomaj Klançnik, Andraj Kovaçiç (hamısı Sloveniya).
VAR hakimləri: Neyts Kaytazoviç (Sloveniya), Bartoş Frankovski, Tomaş Kvyatkovski (hər ikisi Polşa).
20 iyun. Helzenkirhen. “Arena AufŞalke” stadionu. 49528 tamaşaçı (50000 yerlik).
Birinci hissəyə 2, ikinci hissəyə 6 dəqiqə əlavə olunub.
Oyunun ən yaxşısı: Niko Uilyams.

oyunun statistikası
20 (8) qapıya (“çərçivə”yə) zərbə 4 (1)
17 qayda pozuntusu 14
5 künc zərbəsi 2
0 ofsayd 0
3 (0) sarı (qırmızı) vərəqə 2 (0)
57 topa sahibolma (faizlə) 43
594 (548) ötürmə (dəqiq) 445 (381)
116,9 məsafə (km) 117,7

Avropa çempionatında İspaniya və İtaliya milliləri arasında oyunlar artıq klassikaya çevrilib. Zarafat deyil, bu komandalar ardıcıl 5-ci qitə birinciliyində - AÇ-2008-dən başlayaraq bir-biri ilə üz-üzə gəldilər. Ümumilikdə İspaniya və İtaliya “köhnə qitə”nin iştirakçılarından böyük turnirlərdə ən çox – 11 dəfə qarşılaşan yığmalardı. Tərəflər 8 dəfə Avropa, 3 dəfə isə dünya çempionatlarında münasibətlərini aydınlaşdırıblar.

Həm İspaniya, həm də İtaliyanın ilk turda qələbə qazanması bu oyunun prinsipiallığını daha da artırırdı. Qrupdakı digər iki komandanın daha zəif çıxış etməsi “kvartet”də liderliyin böyük ölçüdə məhz bu matçda həll olunacağı mənasına gəlirdi. Görüşdən əvvəl müəyyən şübhələr qalırdısa, Luis de la Fuentenin komandası 90 dəqiqəlik mübarizənin ardından bütün suallara aydınlıq gətirdi. “Qırmızı qəzəb” hazırda rəqibindən bir baş üstün olduğunu hamıya göstərdi. Hesab heç kimi aldatmasın: yalnız Donnarummanın qurtarışları İtaliya millisini ağır məğlubiyyətdən xilas etdi. “Skuadra adzurra”nın oyun ərzində cəmi 4 zərbə endirməklə qitə birinciliklərində şəxsi antirekorda imza atması da çox şeydən xəbər verir. Maraqlıdı ki, matçda vurulan yeganə qolun müəllifi Kalafyori də tarixə düşdü. 22 yaşlı müdafiəçi Avropa çempionatlarında öz qapısına yol tapan İtaliya yığmasının ilk futbolçusu oldu. İspaniya millisində isə Pedri 22 yaşı tamam olmamış böyük turnirlərdə 12-ci görüşünə çıxmaqla Kriştiano Ronaldonun rekordun təkrarladı. Yarımmüdafiəçinin doğum gününün noyabrda olduğunu nəzərə alsaq, o, Albaniya ilə oyunda meydana çıxmaqla yeni rekord müəyyənləşdirə bilər.

Bu qələbədən sonra qrupun vahid lideri olan İspaniya millisi minimum hədəfənin öhdəsindən gəldi. “Qırmızı qəzəb” turnirin ev sahibi Almaniyanın ardından pley-offa vəsiqə qazanan ikinci komanda oldu.