Türkiyə yığması sözsüz ki AÇ-2024-ün ən yaddaqalan komandalarından biri oldu.

16 ildən sonra ilk dəfə AÇ-də pley-offa yüksələn qardaş ölkənin komandası 1/4 finalda Niderlanda uduzaraq mübarizəni dayandırmalı oldu. Bu uğurun əsas memarı baş məşqçi Vinçentso Montelladı. Bu arada italiyalı mütəxəssisin qardaşı Emanuele Montella Türkiyənin ''Sabah'' nəşrinə açıqlamalar verərək bunları deyib: ''Biz 30 ildi futbolun içindəyik. Ailəlikcə hər zaman Vinçentsonu dəstəkləyirik. Biz italyanlar da türklər kimi futbolu çox sevirik.

Vinçentso hər zaman işini ürəkdən görür və bunun da qarşılığını alır. Qardaşım AÇ-2024-ə 100 yox, 1000 faizlik konsentrasiya ilə yollanmışdı. O, Türkiyə ilə işləməyə başladığından bəri biz də özümüzü türk kimi hiss edirik. Turnirdən öncə uzun müddət onunla görüşə bilmədik. Çünki vaxtı yox idi. İşinə köklənmişdi. Amma indi bir müddət ailəsi ilə birlikdə keçirmək üçün zamanı olacaq. Bu, başlanğıcdı. Əminəm ki, bu vəzifədə əsas uğurları hələ irəlidədi. Qardaşımla qürur duyuram. Avropanın ən yaxşı 8 komandasından birinin baş məşqçisidi. Necə ki, komanda qalib gələrkən hər kəs sevinir, məğlub olduğu zaman da tənqidlərin olması normaldı''.

ƏLİ